استخراج قطعة "شاش" من بطن مواطنة في "حراء مكة"

آآآآآه والف آآآه من المستشفيات الخاصة..لا وبعد قالوا احد المسشتفيات الخاصة حفاظاً على مشاعرهم وعدم التشهير بهم..من منطلق الحديث الشريف "من ستر مسلماً ستره الله يوم القيامة" ولكن نسوا حديث آخر يقول "إن الله يحب إذا عمل أحدكم عملا أن يتقنه" وهذا حديث شريف ايضاً .. يا جماعة هذولا اللي يعثون في البلاد والعباد مسلمين..؟ بس الحمد لله على سلامتها وشيء طيب انها بس قطعة شاش ماكانت قطعة حديدة وإلا مقص او نظارات الطبيب اللي سوى العملية ...ياوزارة الصحة خافوا الله فينا .. ورب الحرم ما كنا نسمع بمثل هذه الأشياء إلا من يوم اصبحت "فيز" وزارتكم المبجلة توزع شرههات على المحسوبين عليكم من كبار الموظفين وطبعاً بدورهم يقومون ببيعها على من هب ودب .. وياما جزارين وحلاقين وسباكين اصبحوا اطباء بسبب جشعكم .. ياجماعة اكثر شيء اضحكني قصة واحد مدير مستشفى في شمال السعودية ..تدرون وش طلعت مهنته الأصليه في بلده ..؟ ما تصدقون !!!! كان مدير نادي ليلي يحاسب الرقاصات اجلكم الله وجاي عندنا مدير مسشتفى والله اعلم كم سنة مارس مهنة الطب وتعلم الحلاقة في رؤوس الأيتام اللي هو حنا يالشعب السعودي ..فعلاً ايتام لأنه ماورانا احد يحمينا من هؤلاء وتدرون من اللي كشفه..؟ ما تصدقون ان اللي كشفه احد الشباب الذين كانوا يترددون على نفس المرقص خلال الإجازات الصيفية الله يتوب علينا وعليه..هذي اضيفوها من ضمن فوائد السفر السبعة اللي يقولونها هههههه ويابلادي واصلي....
شكراً ميلاد...