تقرير عن توزيعة Pardus 2011

[ .. الإقلاع الثنائي بين ويندوز 7 وباردس .. ]

===============================

الفكرة باختصار ( انك تثبت أولا ويندوز ثم توزيعه pardus )
لكن السؤال ؟ كيف !!

بسم الله ,,

جهز ديفيدي لويندوز 7 عشان نثبته أولا

اقلع من ديفيدي الويندوز ..
ان كان الهارد مو مقسم عندك بتجيك مثل هالصورة
اضغط driver option ( خيارات متقدمه )

اما لو فرضا كان فيه قسم 200 جيجا فرضا + 300 جيجا لملفاتك الشخصية
وتبغى تثبت ويندوز 7 + باردس .. راح نقسم الجزء الأول 200 جيجا كالتالي

1- ناشر على القسم ونحذفه ابو 200 جيجا [ ركزوا معي ]
2- نعمل قسم جديد مثلا 150 جيجا لويندوز 7
3- راح تكون فيه مساحة حرة 50 جيجا اتركها لاتعمل فيها شيء
4- اشر بالماوس على القسم 150 جيجا الي انشأناه الان واكمل تثبيت ويندوز 7

حلو الكلام




ان ضغطت driver option
مثل كذا بتظهر لنا نختار new عشان انشاء قسم جديد
delete هذا لو زي ماذكرت سابقا عندك قسم تبغى تحذفه وثم نجزئه




زي ماقلت لكم فرضنا اننا نبغى قسم الويندوز 150 جيجا
ننشئ قسم جديد new
ثم نكتب 150000 ثم apply




بيصير عندك اول قسم تقريبا 100 ميجا ماعلينا منه
نختار القسم الثاني الي راح نثبت عليه الويندوز ثم نكست
القسم الثالث هو الي راح نثبت عليه باذن الله توزيعه باردس




وشد حيلك والله يقويك لين تنتهي من تثبيت ويندوز 7

===============================

لو فرضا شخص ماقسم يعني خلى ال 200 جيجا .. قسم واحد للويندوز 7 وثبت ونسي ماحط قسم لباردس .. صارت مصيبة لا

عادي نقدر ناخذ جزء من القسم تبع ويندوز ونخليه لباردس كيف .
سبق وشرحت موضوع وعملت فديو

من خلال ويندوز 7 نقدر نسحب جزء كيف .. شوف الفديو




مااهو واضح بالنسبه لك مافيه مشكلة نمشي بالصور

ادخل لوحة التحكم - بعدين ادوات اداريه - بعدين اداره الاقراص

راح تجيك مثل هالنافذة .. ناشر على قسمنا تبع ويندوز 7 وكليك يمين ثم نختار الموضح




بتجيك الان مثل هالصورة .. حط في ثالث خانه 50000 هذا لو تبي تختار قسم جديد [ 50 جيجا ]
ثم shrink




انتظر شوي بيجيك قسم مثل هذا شايفين اللون الاسود فوق




بكذا خلاص صار عندنا قسم حر

========================================

ثبت التوزيعه عادي الى ان تصل لهالخطوة [ التقسيم ]
اختر ثالث خيار use free space




ثم نكست وكمل تثبيت التوزيعه للاخير وبكذا لمن ترجع تشغل الجهاز بيجيك محمل الاقلاع
GRUB

فيه خيارين لباردس وويندوز 7

=============================

بمعنى الفكرة باختصار نثبت ويندوز 7 أولا ثم باردس
لو صار العكس راح يخرب محمل الاقلاع لتوزيعة باردس وراح تقلع لويندوز 7 على طول
فعشان ماتمر بهالمشكلة

اما :

1- يكون عندك اساسا ويندوز 7 ويبقى عليك تاخذ جزء من قسم ويندوز 7 حر وتكمل تثبيت باردس
2- تعيد التقسيم من جديد وتسوي قسمين لويندوز 7 تثبته اولا ثم باردس ثانيا

=========================================

اطلعوا هنا فيه شغلات مفيده جدا
" جميع الصور عن تثبيت هالتوزيعه اخذتها من ويكي التوزيعة "

=========================================




منقول بتصرف
أتمنى لكم متابعه جميله