يا نسايم .. شعر سوداني .

[الأسد الرهيص]

يانسايم بالفرحه هبى رددى الشوق ياشوادى
قولى للغيمه المسافره قبل ترحل تمشى غادى
نحنا مشتاقين وحاتك لى ملاك بى طبعو هادى

***

روعه الريد يانسايم لما تتلاقى الايادى
العيون تتشابى بسمه تحمل الريد البشابى
نزرع البهجه فى قلوبنا فى خديده ويامنادى

***

يانسايم يلا امشى انتى عارفه براك عنادى
روحى للشال نوم عيونى احكى ليهو بى سهادى
قولى للزول البريدك فى رجاك لسع بنادى

***

اصلى خايف الشوق يطول ماخلاص كملت زادى
يوم افارق نور عيونك والدموع تصبح مدادى
احكى للنجمات عزابى والفراق فى عيونى بادى

[مطلع الشمس]

شكرا لك أيها اﻷسد الرهيص
على القصيدة الكسولة .

[سهارى]

صح لسانك يا أسد

يعطيك العافيه .