[ 1 ]



اسمة بعيبس وإحد ماتدري وش يبي شخص ليس لدية هدف في الحياة يهيم
على وجهة بين الدروب والشوارع
ولقبة بفقع وجهك .. لأإنة كل مأعصب على إحد قالة (( تراء بفقع وجهك ))
ولأإكن الشي الغريب الي فية إنة شأعر متنوع (( مدري كيف صار شاعر ))
ومن اشهر قصايدة الغزلية .!!!!!
** ياحظ القوطي بيدين خلي ** ليتني قوطي والمس يد الزين **
ومن قصايدة المشهورة اللتي ادخلتة المستشفى وخيطو اذنة (( من كثر الطق الي جاة ))
** اعرفكي زين ترى اخوكي بالكفائة ** وبابكم إخضر ومطب صناعي ** (( الحمأر فضح بنت الناس ))
ومن قصايدة الوطنية ..!!!!
** إنأ ماجيت حارتكم ** وش جابك انت حارتنا **

.. من فضأيحة ..!
فية مرة من المرارير طلعنأ انا وهوة الكوفي شوب (( تصدقون اول كنت احسب الكوفي شوب اكلة ))
المهم دخلنا الكوفي شوب نبي نسوي نفسنا متحضرين انا طلبت كبتشينو
وخويي بعيبس طلب شاهي حليب .. ويوم جلسنا نشرب ونشوف لكم وحدة (( تقول للقمر خذ روح جيب حمضيات وتجلس بجنبة ))
وجالسة تطالع في بعيبس وهو فاكن خشتة وسعابيلة تقوطر
(( طبعا هي تضحك يوم شافت وجهة لكن من غبائة يحسب انها معجبة فية ))
ويوم يقوم من الكرسي ونا اصيح فية ..: وين رايح يالمسطول
يقول :/ الضاهر البنت حبتني انت ماسمعت عن الحب من اول نقزة واتوقع البنت هذي تموت في دباديبي
ورح لهأ .. ونا جالس اتحمد ربي على العقل ..
ويوم وصل عندها قلها صباح الفل والياسمين على احلى زفت الطين (( مسوي نفسة جنتل ))
ومادرينا الاوشنطة حقت البنت ماشية وصافقة في جبهت بعيبس
ويجيك زوجها وعلية شماغ وعقال وجاي مسيخ وهو جاي تقول انة ثوراسباني مهوب انسان
ويمسك بعيبس ويصيح فية يا * طوووووط* تغازل حرمتي يا *طوووووووط *
وجاة دبج ذاك اليوم عمرة ماينساة لين عض الارض
طبعا رجع وكمل الشاهي بالحليب وجبهتة كلها صعارير من الضرب
.
.
[ 2 ]



اسمة دحروج يوم تشوفة تحس انة سكران حتى من كبر خشمة مايشرب اي شي
الاا بماصورة طولها متر ونص حتى لايغطس خشمة في الكوب
ولقبة خشمانيو .. بس احلى مافية سن الذهب مركبة بضروسة عندة فلينة
عمرة ماغيرها لونها خظراء ومرقمة ( برقم 10 )
يجيد نطق جميع حروف الهجائية ماعداء ( س.. ش ) محذوف عندة من القاموس
والي محلية اكثر واكثر يوم يتكلم يطشر ( سعابيل )

من فضايحة .!!

فية مرة من المرارير كان توة قايم من نومة ويوم قام لبس ثوبة بدون مايغسل وجهة
(( طبعا ازارير الثوب مايقفلها الاا عند اول اشارة )) ويوم ركب سيارتة ومحطي
شماغة على كتفة والعقال فوق راسة . ورايح الكلية .. وشوي وهو بسيارة
حس انة راسة خفيف مو زي العادة ..
ويوم ناضر بالمراية الاا الخشم مهوب فية (( دايم هو في اليل يوم ينام يفك خشمة وينام وايذا صحي يركب خشمة ))
كلة عشان مايضايقة يوم يتقلب على الفراش
والله ويحط رجلة على البيت وهو طاق اللطمة عشان محد يشوفة وخاصة الجيران
ويوم شافة جارهم .. وصارت فضيحة مابعدها فضيحة
.
.
[ 3 ]



اسمة نجوى كرم ( كل تبن ) قصدي ابو بطن
مسوي نفسة موهوب وانة فنأن ويعرف يغني اذكر اول ماغنى بالعود في الاستراحة
بعدها تنوم في العناية المركزة والسبب (( زبيرية واحد من العيال صفقت في خشتة ))
لانة لاصوت زين وكلمات مدري وش تبي (( والمشكلة مصر انة يغني ))
بعد ماطلع من العناية المركزة حبينا نهدية هدية وهية عود قاطين فية
(( بس من كثر ازعاجة ودندنتة دايم فوق روسنا كسرناة فوق راسة ))
والحين معاة عود ومكوناتة (( علبة نيدو+ ووسلك مكيف + وزيت شل سوبر بلس ))

من فضايحة .!!

فية مرة من المرارير حبينا نمزح معة وقلنأ لبووة انة ولدك يدق عود (( عاد تعرفون الشياب مايحبون هالخرابيط ))
وقلنا لبوة بكرة تعال الاستراحة وشوف بعينك .. قلنالة كذا عشان يسويلة كبسة محترمة
والاا اليوم الثاني ابووة جاء الاستراحة وشاف ولد وهو يدندن بالعوود وداخل جو
ويمسكة ابوة معا اذنة ويقولة يا * طووووط * اجل تدق عود يا * طوووط *
قم قدامي لابارك الله فيك (( ومن ذاك اليوم معد شفناة ))
.
.
.
مايستفأد ..!!
1- *طوووط * (( يعني كلام مشفر ))
2- معا السلام عليكم