ياهاتفي حرّمت انا بعض الارقـام
ما ادقهـا فـي شاشتـك للقيامـه
ارقام ناسٍ قدرها تحـت الاقـدام
ما اظن يلحقنـي وراهـا ملامـه
احكم عليها فالغلا حكـم الاعـدام
من شان كلٍ يتضـح لـه مقامـه
والا انت ياللي صار لك عدة ايـام
اشوف في عينك دمـوع وندامـه
خلك على هرج القفا تبني احـلام
لا خيـر فاللـي ماينفـذ كلامـه
غروك نـاسٍ حكيهـم دوم هـدام
اهل القلوب السود واهـل النمامـه
خلوك تنسى صاحبك يا ابن الاكرام
بعد ثلاث سنيـن تنسـى غرامـه
خليتني عايش على هـم واوهـام
وحرمت جفني من لذايـذ منامـه
طاوعت فيني هرج عاذل ونمـام
واليـوم اشوفـك تايـهٍ فالغمامـه
لاشفتني صديت مـع مـر الايـام
لا تقول قلبك يانـــــــــــــ ؟؟ وش علامـه
اليوم قلبي مـات ياتـرف الاقـدام
موت القلوب ولا تمـوت الكرامـه
خلاص قدرك طاح من عيني العام
رميت قدرك مثل رمـي العمامـه
مابـي تراضينـي والايـام قـدام
واخر كلام اقـول: مـع السلامـه
ساعد في نشر والارتقاء بنا عبر مشاركة رأيك في الفيس بوك
dJJ ihjtd