حلمت و ما حلمت الا اكون المبدع المشهور
صبرت وما صبرت الا على غدر الزمن فيني
شربت وما شربت الا شراب من الحزن محكور
صرخت وما صرخت الا ابي عينن تواسيني
ولدت بهمن بقلبي و جرح(ن) بالحشا مستور
وعشت بعالمن اعمى على كيفه يوديني
انا شخص(ن) رفض يسقط وعاش بهالزمن مكسور
كرهت النفس وايامي ودمع العين يكويني
مشيت بلا سبب يٌذكر على رمل الهموم دهور
خطاني وقتي الظالم ولا ادري وين انا ويني
رضيت بواقعي كله ولاني معترض مقدور
ولكن شــــكوتي لـــــله و لــــله رافع يديني
بواجه هالعناء وحدي و اغني دمعة المقهور
و بحلم كيف ما احلم مدام الحلم يكفــــــيني