|
أنا جيتك أبي أخمد علـى شاطيـك بعـض النـار كذب من قال موج البحـر خايـن والبحـر غـدار وأنا في عيني أمواجه قبر.. أدفـن بهـا أسـراري لك الله يابحر ...من وين جبت الصبـر ياصبـار وأنا صبري عجز لا يكتـم اللـي شفـت بأقـداري أنا يابحـر همـي ساحلـك .. والمركـب الـدوار يسوق الموج للمينا ..وتصدم في صخـر ظـاري أنا مدك .وجزرك .والهوى.والليل.والأنوار طلبتك يابحر نـزل شراعـك .. واسمـع أخبـاري أنا شلت الغرام اللـي سنيـن العمـر بـه تحتـار وتهت وضعت بين المستحيل .. وبيـن إصـراري سريت الليل وأثر الليـل نـاوي يفضـح الأسـرار وأثاري كل ليل مرنـي مـن فرحتـي ... عـاري سريت الليل أنا يابحر ... كن النجـم لـي سمـار ووصلت لشطك الظالـم ولاأدري ويـن مشـواري أنا مااذكر من الرحله . . سوى دمع همـا مـدرار ومجداف رميته في ظلامك .. جيـت بـه سـاري أنا غصن ظلمه الوقت .. ماعـدت عليـه أمطـار رداة الحظ خلتنـي .. (أعيـش آطـارد آثـاري)!! أنا أدري مابيدينك فرح .. تعطينـي عليـه إقـرار وأناأدري إن السكوت أرحم من الشكـوى لجـزاري أنا جيتك أبي أخمد علـى شاطيـك بعـض النـار وأثر حالك مثل حالي .. تعانـي الجـرح وتـداري بحر .. بالله توعدني وعد .. لا تفضـح الأسـرار يهون الموت بأمواجك ... ولا تتشتـت أسـراري!! |
كلمات في منتهى الروعه والجمال معزوفه رائعه جدا راقت لي كثيرا يعطيك العافيه ابداع وتميز تشكر عليه تـــحياتي.,. |
| الساعة الآن 11:03 AM |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd
.:: تركيب وتطوير مؤسسة نظام العرب المحدودة ::.
new notificatio by 9adq_ala7sas
جميع الحقوق محفوظة لـشبكة ومنتديات همس الأطلال