شبكة ومنتديات همس الأطلال Network Forum whispered ruins

على الله على الله كل عقده لها حّلال
مصير الجروح بركضها تلحق الشافي

وداعاً سكوتي .. مرحبا ياول الزلزال
أبــ اهدي لشوك المرحلة جلدي الحافي

انا الضامي اللي ينقل المي بالغربال
ركبت الخيال .. وضدني واقعٍ جافي

بوقتٍ خذا وجهه ملامح من الصلصال
تغنى جنوني بالخفا قلت له كافي

احب المواقف واضحه والرجال رجال
واحب البساطة واعشق المعدن الصافي

جمعت الوجيه البيض/ ربعي وقلت الفال
ضربت .. وتفجر وانهمر وجهك الوافي

وناديت يامحمد معي علم ما ينقال
ابطلق سجينٍ منظلم .. دونك الخافي

تعذبت بالرحلة جبالٍ تهز جبال
كسر ظهري الورث العصي يلعن اسلافي

كوابيس في غفوي تعري رسوم جيال
واذا امد رجلي /هقوتي .. يقصر لحافي

أدور بعز النوم .. عن عز.. دار عقال
واهذري مع امي (منيتي صدرك الدافي)

واخيراً رميت القيد فجرت بالتمثال
رجعت بقناعة علها تخرب خلافي

وجيتك حروفٍ غر غرّه ردية حال
واعرفك يابو فالح خوي عمر وسنافي