لاصار البوح عند البشر عار

لاصار , البشر , البني

لاصار البوح عند البشر عار

آلصمت له عندي معزّه ومقدار ..
في زحمة الافواه .. يا مزين الصمت !!


لا صار بعض البوح عند البشر عار ..
لو يشتعل جوفي حشى ما تكلّمت




تعبت من قولة : (علامك) و (وش صار )
وان طحت ما ألقى سوى كلمة (سلمت)



واعذار اخلقها ولو مالي اعذار
مشّيتها مره .. ومرات ما رمت !!



كذبة صباح الخير/ يا صبح الانوار
عذري ليا عدّت ليالي ولا نمت




اسهر طوال اليل وضْيوفي افكار
واقول لاْصحابي : نعم توّني قمت !!



ما عاد فيني ألفت عْيون واْنظار
يكفي بأني من زماني تعلّمت




ان الصدر بيت/ن .. وسكّانه اسرار
نيّام .. بس يصحون لامن تألّمت




يصحون ويناظرهم الجار والمار
وش عاد ينفع سترهم لو تكتّمت ؟!!



آقدّم اقدامي على درب الاصرار
امشي ولكن للأسف ما تقدّمت




(النار قدامي .. ومن خلفي النار !!)
والعمر يمضي بي وانا ما تولّمت




يا لين ذاك الحلم في لحظه انهار
وانا مع لحظة سقوطه تحطّمت




اجروحي اكثار..وتناهيدي اكثار
لكن على كثر المواجع .. تبسّمت !!



ثم أْلتزمت الصمت وعزومي اكبار
ولو يشتعل جوفي حشى ما تكلّمت
ساعد في نشر والارتقاء بنا عبر مشاركة رأيك في الفيس بوك

المصدر: شبكة ومنتديات همس الأطلال شبكة ومنتديات همس الأطلال Network Forum whispered ruins - من قسم: همسات وشجون مسموعة

---

ghwhv hgf,p uk] hgfav uhv hgfkd