يوم هبّ الوقت وأعماني عجاجه

الوقت , عجاجه , وأعماني

يوم هبّ الوقت وأعماني عجاجه

فهد المساعد

يوم هبّ الوقت وأعماني عجاجه
الفرج عيّا .. وأنا بالصبر راهي


ويوم مال وطال ميله وأعوجاجه
رحت أدوّر شي ٍ يشد إنتباهي


وشفت زولك مقبل ٍ مثل إنفراجه
كنّه اللي جايبٍ عزّي وجاهي


ياه ياضيقات صدري وإبتهاجه
تذكر آخر مرة ٍ شفتك ..متى هي !!


صاحبك من يومها زاد إحتياجه
وأمتطى ظهر المصايب والدواهي


سولف الليله على قلبي و ناجه
من بقى لي غيرك أفخر به وأباهي


يابعد من كدّر غيابي مزاجه
ويابعد من مرّت حروفه شفاهي


رغم حيرة قلبك ورغم إنزعاجه
الزمن .. ماغيّر احساسه تجاهي

ورغم وحشة بعدك وقسوة سياجه
كل حاجه فيك ظلّت مثلما هي



الخجل في وجهك أول مـ نتواجه
والبراءه في عيونك وأنتساهي



وبسمتك لامن بغيت تقول حاجه
وغيرتك لاشفت كنّي عنكلاهي



قبل أشوفك .. والزمن عاقد حجاجه
أسأله : وش فيك ؟! وألقى العذرواهي



ويوم شفتك قلت للوقت وعجاجه :
هيه ياللي في طعونك كنت راهي



أنت لو غيّرت فينا ألف حاجه
القلوب البيض تبقى مثلما هي

ساعد في نشر والارتقاء بنا عبر مشاركة رأيك في الفيس بوك

المصدر: شبكة ومنتديات همس الأطلال شبكة ومنتديات همس الأطلال Network Forum whispered ruins - من قسم: أطلال العَرُوض و القافية ، وقناديل من صفحات الشعراء .

---

d,l if~ hg,rj ,Hulhkd u[h[i

والله مآقريت مآ أشوف زين
شآشه سوداء لآزم أبحلق عشآن أشوف كل شي
حتى الكلآم مدري هوا صح ولآ لآ . .
بس الله يعطيك العآفيه . .

مشكوره ماننحرم

سعيده بتواجدكم
دمتم .