يً آلله عسآنآ يوم نشفآت إلآريآٌق , أنآ ومن يآكل معآي معآتيق =$

بطاطس حره .. ❤






المقادير والطريقة :
بطاطس تقطع مكعبات متوسطة الحجم
تسلق في ماء بدرجة حرارة الغرفه لحد ماتنضج نص إستواء

عشان تحافظ على قوامها وشكلها الخارجي
بعدين نصفيها من المويه
ونحطها في صينية تيفال مع
فص ثوم مفروم
وبابريكا
وتوابل إيطاليه
وزيت زيتون وعصير ليمونه
ملعقة أكل دبس رمان
وملح وفلفل أسود
وكزبره مفرومه
نقلبها ع النار تشويح بس لحد ماتطلع أثار التحمير على البطاطس
وتقدم وبالعافيه ..

كرات البيتزا مع صلصة المارينارا .. ❤




المقادير والطريقة :
العجينه المستخدمه اللي مستحيل أجرب غيرها طبعاً

مقاديرها
3 كوب دقيق ويفضل الكويتي
ممكن تزيد أو تنقص حسب الدقيق
3 ملعقة حليب بودره
1 ملعقة بيكنج بودر

تخلط هذه النواشف في زبدية إلى أن نخلط باقي المقادير وهي:
في الخلاط:
1 علبة زبادي دافئ
1 بيالة زيت
1 ملعقة خميرة ونص

فنجان سكر
شوي ملح
مقاس علبة الزبادي ماء دافى
تعجن وتخمر ساعه في الفرن او في مكان دافئ
بعد ماتنتفش العجينه نرشها برشة توابل إيطالية وثوم باودر
ونشكلها دوائر نحشيها بها الخلطه ( 3 ملاعق أكل صلصة مارينارا
+ فلفل رومي مقطع صغير + زيتون مفروم + جبن تشدر مبشور + جبنة مازرولا مبشوره)
نصفها في الصينية بعد ماتنحشي دوائر متلاصقه بعدين نرشها بجبنة بارميزان (إستخدمت بديل البارميزان للوجه)
ونحمرها في الفرن لحد ماتنضج بعدين نشقرها شوي من فوق

لصلصة المارينارا
نحتاج فص ثوم مفروم
يحمر في قليل من زيت الزيتون
3 حبات طماطم متوسطة الحجم مبشورة
ملعقة أكل معجون طماطم
توضع على الثوم المفروم ونعلي عليها النار حتى تثخن
نبهرها برشة ملح وفلفل أسود وشوية أوريقانو وريحان مجفف
تقدم كرات البيتزا مع صلصة المارينارا للتغميس وبالعافيه ..

رد فلفت تشيز كيك .. ❤




تعودتوا تاكلونه كيك جربوه هالمره تشيز
طبعاً هو بطريقتي الجميله المعتمده
اللي هي
كيكة بيتي كروكر الخليط الاصفر أو الأبيض في حال ماتوفر الأصفر
اسوي نفس المقادير المكتوبه على العلبه بس بدل ما احط الماء ابدله بكاس لبن المراعي فقط
ملعقتين صغار تشوكلت باودر نسكويك
ملعقتين صغار لون الطعام توت باودر
وهذا شكله



نخلطها وندخلها الفرن 20 دقيقه
بعد ماتنضج وتبرد
احطها بكاسات وأكون مجهزه الكريما

الكريما :
علبه جبن فلادلفيا صغير

كاس سكر باودر
ملعقتين صغار فانيلا باودر

ومثل ما أنتوا شايفين طبقة كيك طبقة كريما
وتزين بالنعناع وتقدم وبالعافيه ..

بسبوسة الفستق .. ❤




المقادير :

3بيضات
علبة قشطة
بنفس العلية نقيس (سكر +1ونص سميد +فستق مطحون)
بيالة زيت
ملعقة أكل باكينج باودر
ملعقة فانيليا
الطريقة :
نخلط المقادير السائله أولاً
ثم المقادير الجافه
ونخبزها في الفرن لمدة 20 دقيقة

دا على شكل ميني



وفي صينية عاديه



اذا طلعت من الفرن نساقيها شي بسيط شيره

وبعدين نضيف لها توفي وتزين بالفستق
وتقدم وبالعافيه

مانقو سويت .. ❤




المقادير والطريقة :

منجا مقطعه مكعبات
بسكوت شاي نكسره بس نخليه خشن شوي
في زبديه نخلط علبة قشطه مع نص علبة نستله
ناخذ كاسات الحلى
ونحط طبقة منجا بعدين نصب عليها من الخليط
ونحط فوقها بسكوت ونكرر الطبقات ويقدم بارد أو مع كرة آيس كريم وبالعافيه ..

إنتهى <3

منقول لعيونكم

مجهود رائع
الله يعطيك العاافيه

الله يسعدك يا تناهيد ..
جوعتينا ونشف ريقنا من سايلات اللعاب ( هههههه ) .
شكراً لك على الطبخات اللذيذة والمجوعة .

اقتباس:
المشاركة الأصلية كتبت بواسطة ●‏خرآفيّـــہ «~
مجهود رائع
الله يعطيك العاافيه



يعافيكك ربي
منورة

اقتباس:
المشاركة الأصلية كتبت بواسطة مطلع الشمس
الله يسعدك يا تناهيد ..
جوعتينا ونشف ريقنا من سايلات اللعاب ( هههههه ) .
شكراً لك على الطبخات اللذيذة والمجوعة .



هههههههههههههههههههه
ويسعد ايامكك مطلع
العفو منور