09-27-2012
|
#35 |
| بيانات اضافيه [
+
] | | رقم العضوية : 6 | | تاريخ التسجيل : May 2010 | | أخر زيارة : 07-01-2014 (09:19 AM) | | المشاركات : 13,261 [
+
] | | التقييم : 36 | | الدولهـ | | الجنس ~ | | MMS ~ | | | لوني المفضل : Dimgray | | 
رد: رموز شعرية : الشاعر [ بدر عبد المحسن ]
ادفن يدي.. تحت الثرى
ادفن يدي.. تحت الثرى ..
واسقيها من جفني ارق ..
يذبل مابين اصابعي ..
عشب وورق ..
ادفن يدي.. فوق الثرى ..
يلفها برد وسموم ..
واحس بعروقي يبست ..
ما توصل عروقي الثرى ..
ولا تشرب عروقي النجوم
وينبت على جفني سهاد ..
يذبل ورا صدري الشجن ..
اشقق اوراق الزمن..
وانام..
في حلقي الليله جفاف ..
شربت أيامي.. ومضت ..
واللي بقى جرحي الوفي ..
في خاطري باب يرد ..
وسراج دوبه ينطفي ..
اغطي الظلمه بظلام ..
كل ما اشد اصابعي ..
على العيون المتعبه ..
جرحٍ ينام .. وجرحٍ شعر بي وانتبه ..
قام وتبعني لشرفة ظلمه بعيد ..
جاني يقاسمني السهاد.. جاني قصيد..
ادفن يدي تحت الثرى.. فوق الثرى ..
واعيش انا بباقي يدي ..
نصفٍ يموت.. ونصفٍ درى انه يموت ..
يا سيدي.. ربي انا نقطه فـ بحر ..
علمني كيف اهوى الحياه ..
علمني كيف اهوى القدر ..
علمني بإيماني اكون ..
يارب.. اكثر من بشر ..
|
|
|
 |
الإهداءات
المواضيع المتشابهه 
العرض الشجري