على الله يازمن بشكي

الله , بشكي , يازمن

على الله يازمن بشكي

على الله يازمن بشكي جروحي والليالي طوال
عسى راعي العنا ينسى عناه وينشرح صدره

على الله يازمن بشكي همومي والهموم جبال
تعدت (عاصمة حزني) (حدود العالم بأسره)

خساره يالسنين اللي كتبتي قصة الترحال
فرحت أمس وحزنت اليوم والخوف من بكره

لساني كم شكى (صمته) والا منه حكى ماقال
طغى(طبع السكوت) بسيرة المحروم من صغره

سقى الله يوم أنا كنت أضحك وبالي مريح البال
ضحوك ماعرفت الحزن وش معناه وش قدره!!

كبرت! وكبرت أحلامي وصارت قصة الترحال
أماني في (مهب الريح) حلم ماأكتمل سحره

عزيزه يالحروف اللي سكنتي والكلام يقال
حكيتي ماشكيتي الهم ((وهم القلب)) ياكبره

أنا منهو فاقد صوته وبعض الصوت به مازال
دعيت الله (((يفرجها))) علي وبحت أنا النظره

أشيل الحمل عن غيري! وحملي صار ماينشال!
كما (الشيخ الهزيل) اللي مشيته منقض ظهره

وعن (حر الزمن) صارت حروفي للجروح ظلال
تذرت عن (هموم الياس) حلم قد بنى قصره

(((عساها للمطر))) روح بها وادي الظما سال
عروق سنينها (جفت) و وراها الزمن غدره

على الله ((ينجلي)) وقت قضيته هم و غربال
ويشع النور في ((قلب)) غشى بين الظلام فجره

(على الله) (والولي الله) (وبأمر الله) يزين الحال
ويضحك لزمن ((قلب)) من همومه قضى عمره

ساعد في نشر والارتقاء بنا عبر مشاركة رأيك في الفيس بوك

المصدر: شبكة ومنتديات همس الأطلال شبكة ومنتديات همس الأطلال Network Forum whispered ruins - من قسم: أطلال العَرُوض و القافية ، وقناديل من صفحات الشعراء .

---

ugn hggi dh.lk fa;d

كلمات قمه الروووعه
مشكووررررـ يعطيك الف عافيه

ابونايف
اجمل وارق باقات ورودي
لردك الكريم
وطلتك العطره
كل الودوالتقدير
ودمت بحفظ الرحمن
والله يعطيك العافيه

أسير الصمت

كلمات لها وقع وأثر جميل
صح لسانك

يعطيك العاافيه
ودي