ملامح زمن.... مقال جريء

اخي زلزال الحروف
الله يعطيك العافيه على هذا الطرح وكان ودي اعلق على كل نقطه فيه لكن ماشا الله عليك توسعت فيه وهو مهم التوسع وذالك لاهميت ماطرحته لكن اناتتعبني الكتابه اجلس ادور للحرف حتى اطفش والناس يقولون شويه وتتعود.
لاتواخذني على المقدمه الله يسعد قلبك
اخي الكريم
بالنسبه لموضوع المراهقه اللي طلعولنا بها اليوم الناس حتى اكثرهم مايعرف وش معنا مراهقه لأنها غيرموجوده من الاصل لا في الماضي ولا في الحاضربس اختلقوها من اجل تبرير الشذوذ في كل الامور
الناس زمان ماكانو فاضين للمراهقه الواحد مشغول بنفسه كيف ياكل وكيف يسترعورته يادوب يلقى الواحد قطعة قماش تغطي الاهم من جسده واذا تغدى ماتعشا ما يلقى شي ومع ذالك كانت الامانه والشرف والكرم من الامورالاساسية عندهم
وين بتكون المراهقه والكل يكدح المرأه مع الرجل يد بيد كل في مجاله من صباح الله ينتشرون لمنافعهم مافي مجال اشرح
كان الليل لباس والنهارمعاش واليوم صارالعكس
كان زمان ماحد يرضى الغلط كان زمان ابني هو ابنك وابنك هوابني الكل يعتبرقدوه ومربي وموجه
كان الكبيريعطف على الصغيروالصغيريحترم الكبير كان هذا من اساسيات الحياة زمان اليوم ماباقي ولاشي من هذا ولوتشوف لك طفل اوشاب حتى لوكان من اقاربك يغلط ونهرته يجيك الرد اللي يسم البدن.
حبيب قلبي زلزال
مافي شي علمي ملموس اسمه مراهقه هذا اسمه انسلاخ الحياء وانعدام مباديء وقلت دين
الزمن مافيه عيب العيب في ناسه
الله انعم على البشرنعم ماتحصى وشبعو واختلقو المراهقه
طيب في شباب وشابات اليوم الله يحفضهم في قمت الادب ولاخلاق محافضين على الدين والقيم ولاخلاق
ليش ماراهقو او ان المراهقه تختارناس عن ناس.
على كل حال هذي وجهة نظري بخصوص المراهقة.
اخي الحبيب زلزال الحروف
اتمنا منك تعذرني لو حصل مني غلط في كل النواحي
واشكرك على كل مواضيعك النافعه
وعيدك مبارك وعساك من عواده
محبك
عشقي وطني