آغيب شلون وإنـت آخر نفس فيـني

آغيب شلون وإنـت آخر نفس فيـني

ماعاد أشتاق .. تعبت فراق .. نثرت الكون في يديني .. ورغم هذا شعوري ضاق .. فقدتك حيل .. ومع فقدك .. فقدت الحيل .. فقدت أحلى صباحاتي .. وكلمة " ياعساك بخير ! " أنا بسألك في بُعدي .. عرفت الخير ..! ياماخذني من أنفاسي .. وتاركني بدونك طير .. حلّق في سما النسيان .. حلف يرميك ف الوديان .. ويهجر كل مساحاتك .. إلين يحسّ بك ندمان .. وتبي تعرف .. عن أحوالي بعد عينك ! ولايهمّك .. تفضّل وإسمع اللي صار .. عشقت الهم وآهات الحزن دلّت عناويني ! نظمت الشّعر ب إحساس المواجع لين بكّاني .. كرهت النّاس يانبض الموادع من يواسيني ! تصوّر من بعد عينك ! لقيت الكل خلّاني .. تقوقعت ف بحر ذكرك ولا حسّيت في عيني ! تهلّ الدّمع وأتراجف .. إلين تسيل ودياني .. بكيتك : إيه ياوجهٍ عرف وشلون يحييني ! نكرتك : لا مااذكر وأنا بك كنت أنساني .. يقولوا إنك بدنياك عايش | ماتناديني ! أفا معقول هالعشرة يبددها شخص ثاني .. أنا من لحظة وداعك إلين اليوم | أجفيني ! بغيت أنسى .. ولكنّي هويتك كثر أحزاني .. ياقلبٍ كان حاويني .. بردّ أسألك من ثاني .. صحيح إنك خلاص نسيت ! سمعت إنك بعد حبّيت ! أنا ظنّيت , ماتقدر ! ولاتفكر .. لإن الجرح | مايصغر .. على قولتك ياقاسي .. طيّب ليش ! ماتعرف , ب أنّي من هواك أعيش .. أنا أتنفسك لو تذكر .. ودايم ردّك التنطيش .. ولكن عيش .. وأبيك بقد ماتقدر .. تخون العيش .. وأنا آخر شخص في الدنيا .. يفكر إنّه يخونك .. لأني بكل بساطة حال .. بدونك جد | ما أبيني ..

ساعد في نشر والارتقاء بنا عبر مشاركة رأيك في الفيس بوك

المصدر: شبكة ومنتديات همس الأطلال شبكة ومنتديات همس الأطلال Network Forum whispered ruins - من قسم: أطلال القلم وشذرات الحرف والكَلِـــمْ .

---

Nydf ag,k ,YkJj Nov kts tdJkd

موضوع جميل الله يعطيك العافية

يعيطك الف عااااااااافيه ..

موضوع رآآآئـع ..

خلدون
اشكرك اخوي على روعة ماطرحته
مااروعها من كلمات
سلمت وسلم نبض قلبك يالغلا
لاعدمناك
وبارك الله في جهودك
ودمت بهذا التألق والتميز
وعساك على القوه
وبانتظارجديدك القادم

ودمت بحفظ من الرحمن
والله يعطيك العافيه