أحببت ان اكتب لكم هذه القصيده التي كتبتها قبل فترة
ولم انقلها لكم قد ربما لم أجد الوقت المناسب لأعرضها لكم
ولكن الان وجدت الوقت المناسب في المكان المناسب
وارجوا ان تحوز على رضاكم واستحسانكم علماً بأني
لست بذلك الشاعر ولكن احب كتابة الشعر راجياً
ان تعجبكم .
والقصيده اسميتها (وصف عشيقين ).
الشعر في وصف المزايين نوماس
وأنا وصفتك ياجميل المزايين
لولا الجمال اللي يقدر بالالماس
ماجبت اسمك في شريط العناوين
أنتي وأنا حبين في داخل احساس
ياحظ حبن جامعن بين الأثنين
الله خلقنا غير عن كل هالناس
والله جمعنا في محبة حبيبين
أنا بدونك ضايق الخلق محتاس
وأنتي بدوني دون قلبن ولا عين
واحنامعآ من دون وصفآ ولاقياس
يعني حكايه باسم قصة عشيقين
أهواك أنا كلك من الساس للراس
ياحظ عينن شافتك يوم تمشين
لا من مشيتي طاح قلبي مع الياس
ولا من وقفتي مثل وردة بساتين
ولا من جلستي صرتي أحلام جلاس
واذا تكلمتي فصيحه وتغرين
قلبك رقيق بكل مافيه حساس
وأنا أحبه بس ما ادري الى وين
الله عطاك الزين كسوه مع الباس
والله عطاك اللي بغيتيه يازين
واذا وصفتك ما يكفيك قرطاس
لانك خيال وما يوفيك بيتين
والشعر في وصفك خيالي ونوماس
لأني وصفتك ياجميل المزايين
لو لا الجمال اللي يقدر بالألماس
ماجبت حبك في شريط العناوين
وسلامتكم ...