من بعدهم .. ضاقت عليّ الاماكـن .. !
صرت آتنفس ضيقتـي / و التهاويـل ..
ما قمت احس ان المساكن ( مساكن ) ..
من حيرتي .. كل الاماكن كما الويل ..!
هذي همومي داخـل الصـدر حاكـن ..
فستان قهْر و تضحيـات و مواويـل ..
و دمعتيـنٍ فـوق خـدي .. تباكـن ..
أوزانهن خفَّفْ لو .. الهاجـس ثقيـل ..
اخفيهـن بصمـتٍ يهـزّ السـواكـن ..
عديت طعنة هالظهر ( كذبة ابريـل ).. !
صح قهروني .. و من قهرهم تحاكن ..
جروح هدّت ما بقى بي مـن الحيـل ..
و بْرغم هذا الهم في القلـب ماكـن ..
و برْغـم زفـرات الألـم و التعاليـل ..
ما راح اشكيهم علـى النـاس لكـن ..
يا ويلهم من دعوتي تالي الليل!!
ساعد في نشر والارتقاء بنا عبر مشاركة رأيك في الفيس بوك
dh ,dgil lk ]u,jd jhgd hggdg!!