مسآء / صبآآح آلمحبه للجميع
نتغنى بشعرنا عن الحبيب ونهيم عشقآ به
ونعآنق السحآآب على متن أحلامناآآ .. ونسكب لهم
أعذب القصآآئد ...
ولكن لـآننسى من حبهم فآآق آلكون كّ أول حب نهايته
آلجنه وبدآيته آلتوفيق..
سأهيم عشقآ بأمي ... سأتبآآهى بأجمل القصيد لـأبي
وسـأدعو لهم قبل ذلك ... بطولة العمر فآآدعو معي لوآآلديكم
سألامس حب الوالدين لمتذوقي الشعر هناآآ
ولن نوفيهم حقهم .....ولن ننسى فضلهم
امي وانا بوصف لهـا زود حبهـا
وان ماحكيت لها قصيـدي حكالهـا
امي لها بالقلب والجـوف منزلـه
مكانـة ماكـل محـبـوب نالـهـا
اقرب من ظلالي وانا وسط غربتي
وانا تراي اقرب لها مـن ظلالهـا
ماشافت اعيوني من الناس غيرهـا
ولا خلـق رب الخلايـق مثالـهـا
اغلا بشر في جملة النـاس كلهـم
واكرم من ايدين المزون وهمالهـا
اتبع رضاها ورتجـي زود قربهـا
واللي طلبته من حياتـي وصالهـا
الصدق مرساها والاشواق بحرهـا
والعطف واحساس الغلا راس مالها
اهيم فيهـا وابتسـم يـوم قلبهـا
يسأل وانا قلبي يجـاوب سؤالهـا
وان اطلبتني شـي فزيـت مندفـع
اموت أنا واحمـل تعبهـا بدالهـا
واصبر على الدنيا والاحزان والتعب
واحمل على متني فطاحـل جبالهـا
واسهر اعذب راحة القلب بالشقـا
واعيش اعاني بس يرتـاح بالهـا
تربية ابوي اللي على الطيب بذكرة
اللـي وهبنـي الحيـاه ومجالهـا
نور لي ادروبي وانا طفل مبتـدي
حتى تركني واحـد مـن رجالهـا
الوالدين اولـى بالاحسـان لجلهـم
وأولى بتكريـم النفـوس وعدلهـا
اقولهـا وانـا علـى الله متـكـل
والله عليـم بقدرتـي واحتمالـهـا
ياكلمة اغلـى مـن النـاس كلهـم
ياشمـس بقلبـي بعيـد زوالـهـا
يافرحة تملي لـي الكـون باكملـه
ياشجـرة تكبـر ويكبـر ظلالهـا
يايبه ياتاج راسي يا عسى عمري فداك
ياغناتي والله انك لو تبي عيني تمون
خمسه وعشرين عام ماترددت بعطاك
ياشبيه الغيث لامن ساقته غر المزون
ترتجيني ياعسالله مايخيب لك رجاك
صاين عهدت الاهك باليدين وبالمتون
الحقيقه وانت تدري ما يعززني سواك
والسبب واضح على اللي يدركون و يفهمون
والشعر وان كنت بمدح بالشعر هذا وذاك
انت حقك فوق هامات القصايدواللحون
العفو واستغفر الله بس احس انك ملاك
ساع تجلس واتّكلم يمتلي صدري سكون
واتطمن واملك الدنيا بجلساتي معاك
وان تنهض عز طرفك تنكسر كل العيون
والله اني لو كثر خيري فانا خيري ذراك
شوفني رجال كامل بس دونك .. ويش اكون؟
ووش يكون العمر من دون اجتهادي في غلاك
وش يكون العطف والرحمه بدونك وش تكون؟
يايبه تكفى لعاد تشيل هم في حشاك
يكفي انك قد تجرعت الليالي والغبون
يايبه يانور عيني شب عمري في هناك
والله انه ابرد امن الما على كبدالظعون
يايبه ياجعل روحي فدوه لموطى خطاك
حطني بينك وبين الوقت وكبار الطعون
يايبه ياجار كبدي انذبح ولا اعصاك
عقب اللي قولوا وقالوا وهم مايفعلون
العمر والنفس واللي املكه كله فداك
واعرف انه ربع حقك وانت حقك ما يهون
ساعد في نشر والارتقاء بنا عبر مشاركة رأيك في الفيس بوك
lNvNp kksn tqgil