ما علي إخلاف . . أقول اللي أبيه
من فضل ربي علي إني قوي
إلا حبك شي ما أقدر عليه
كن حبك ضيف . . والقلب ابدوي
أنت بس اللي أبيه . . ولا أجيه
عنك حظي لاوي ذراعي لوي
صرت لي مشوار لاجيت ابتديه
إن لقيت الدرب . . ضيعت الخوي
وين رااايح؟؟ جعل هالزول افتديه
وأنت خااابرني من البعد انكوي
رد . . يا منهو حياتي في يديه
لا تخليني وأنا لك مهتوي
إن خسرتك وين أبلقى لك شبيه؟
وأنت من كل شي نااادر تحتوي
أنت حتى الجرح منك اشتهيه
من غلاك . . اضم عذابك وارتوي
أنت لا سولفت ما كني هنيه
التزمت الصمت .. كني منطوي
ليه أسولف لك . . وهي من غير ليه؟
تعرف إنك تطوي أحزاني طوي
أنت حبك شي ما أقدر عليه
كن حبك ضيف . . والقلب . . ابدوي!
ساعد في نشر والارتقاء بنا عبر مشاركة رأيك في الفيس بوك
lh ugd Yoght > Hr,g hggd Hfdi