في زحمة قلوب ٍ وأشعار ٍ تقول رمال
كلّن يحب ويعشق وكلّن يبي يهوى
كنّ القلوب بنوك صارت والهوى أموال
تخلط به العملات تسوى ولا ماتسوى
أو سوق عرض ٍ للسلع اللي برخيص المال
تتشوف كلاب ٍ عسى بلعابها تروى
أو ساحة حروب المشاعر والهجر قتال
وكلّن تفاخر كثر ما يجرح قلوب أقوى
فجأة لقيتك دون علم ولا خطر في البال
إني ألاقي شخص مثلك ..كيف له أهوى
كني بغيت اصرخ بصوتي..لا بصوت اجيال
وينك ترى زيف الهوى أصبح كما العدوى
وينك عن قلوب ٍ تنظّم نبضها بريال
وان كان باقي للهوى معنى فهوْ أسوا
صارت حبيبي دوم كذبة قد ما تنقال
ولا من صدق فيها حقيقة تنرجي رجوى
وينك دموع ٍ تمسح الدمع الهدر لا سال
ويا كثر ما سالت دموعي بجمرة النجوى
وينك حنان ٍ يحتضن كلّ الطفل لا مال
حظّ ٍ جعل عقله وأحلامه كما البلوى
وينك نصيف ٍ بالزمن أقسم معه آمال
أعطيه عمري تجربة وابيه لي سلوى
وينك أميرة أنتقي فرحي ولو مثقال
مع قلّته باهديه لك في داخلك يروى
لانّ الفرح مهما كثر في خاطري أو طال
ما عاد له فيني ولا في خاطري مثوى
دوم العمر للحزن ٍ أوتار ٍ وانا الموّال
والليل ضيف بخاطري وبدمعي يتقهوى
إلّا بهذي ضيفي اقفى بهزّة الفنجال
والليل بدّل نغمته من فرحتي شدوى
ياما حسبت بغربتي وبهالظروف امحال
إني أقابل لي وليف ٍ فاهم الدعوى
مانت بحياتي عاشق اهديه الشعر بامثال
أنت بعيوني كلّ شي ٍ به أنا أقوى
هذا جواب ٍ للذي فينا يقول وقال
خلّه يشوف اطيافنا اجتمعت بلا مأوى
ساعد في نشر والارتقاء بنا عبر مشاركة رأيك في الفيس بوك
t[Hm grdj; ],k ugl ,gh o'v td hgfhg