تسولف لي عن الضيقه وانا كلي الم واحزان وانا من وين ما نااظر بعيني شفت ضيقاتي
تسولف لي عن الضيقه وانا عنوان للحرمان دخيلك لا دخيل الجرح لاتكشف معاناتي
حبيبي لاتشجعني اسولف واكسر الكتمان تعبت من السكوت الي تعود يسكن بذاتي
عليم الله مافيني شبر يضحك فرح واشجان وانا لو جيت ابضحك لك اجيك اضحك بدمعاتي
حياتي شعرن وشاعر وجمهوري بقايا انسان ونقادي زمن قاسي ولايفهم كتاباتي
اناظر للبشر حولي احد يضحك احد طربان
وانا صعبن علي اضحك اسايرهم بضحكاتي
عجزت اكذب على نفسي بفرحه مابها الوان
وحزني ماعجز عني بدا يرسم نهاياتي
طريقي صعب وجروحي كثير وداخلي ضميان
ابي لو يوم واحد احاول اجمع شتاتي
انا قصه تبعثرت وتطايرت بزمن خوان
تعلمت اخسر البسمه واداري عضه شفاتي
ابكتب لك بلخط العريض وريشه الفنان
انا الخسران توقيعي وانا الخسران بصماتي
اكمل لك عن الضيقه
اكمل لك عن الاحزان
تاكد لو بكمل لك تصيح وتطلب سكاتي
ساعد في نشر والارتقاء بنا عبر مشاركة رأيك في الفيس بوك
js,gt gd uk hgqdri hgpvlhk