احضّـرك واتلـوا عليـك البسملـه
والفاتحـه والغاشـيـه والزلـزلـه
وأعلّمـك وش الحديـث المنطقـي
من شان تعرف كل شـي ٍ تجهلـه
خدمه .. بقدمها بـلا شـرط وثمـن
يا صاحب آفـاق الخيـال الممحلـه
وماهيب من بـاب المـوّده والغـلا
لكّن من بـاب احتـواء البلبلـه !!
كنت أحسب ان سود الليالي ربّتـك
وأثرك على نفـس العلـوم الاولـه
موّسـوس وحالتـك حالـه مزريـه
الحلـم قدامـك وعاجـز توصـلـه
على مدار العام مـن قـل الثقـه :
بينك وبين الشـك والريبـه صلـه
ذكائك المزعوم حاجـه مؤسفـه !!
تضحك علـى تفكيـرك وتستغفلـه
سويت نفسك فاهم الوضـع وذكـي
وكليتها يا بـو الشبـاب مفلفلـه !!
ما احد ٍ جبرك تضيع وسط المعمعه
وتستصعب الموقـف ولا تستسهلـه
القصد واضـح والمعانـي واضحـه
ليه اتمادى فـي الحكـي وتؤّلـه ؟؟
طويق ثابت والجبـل يبقـى جبـل
فلنعتبـر هــذا ســؤال وعلّله ؟!
شفت ان مالك بالثقـه موطـأ قـدم
كـب الغـرور المفتعـل ولاّ اقتلـه
وان عوّدت نهـج وقناعـات وفكـر
الاجوبه ترضـي غـرور الاسألـه
المرجله لا صارت هايـط وشعـر
مـا عـاد ابيهـا لعنبوهـا مرجلـه
وان كانهـا مواقـف وقـول وفعـل
ماعندي الا : تـم وابشـر وازهلـه
خذ لك نصيحه كانت تسـام بجمـل
يا مسيلمه أو بالأصح يا عبهلـه !!
لا عاد تخطب في شبـاب المجتمـع
ريّح .. وخل الدين والنصـح لهلـه
ولا عاد تشهد زور في أرجـاء البلـد
وتبقى كذا مـن مرحلـه لــ مرحلـه
حتى إبليس بيستحي من كذبتـك !!
من كبرها ما هيب من ضمن عملـه
واليا بغيـت الجـد سجّـل مايلـي
واستحملـه واستوعـبـه واتقبـلـه
ماهوب عيب انـك تغيّـر منهجـك
العيـب وأنـواع الخطـأ والمهزلـه
إنـك تجـي كـلـك وتستنقـد فئـه
على فعل وإنت أول اللـي يفعلـه !!
راجـع حساباتـك وفكّـر وإتعـض
واضرب على نفسك جميع الأمثلـه
إن كان ما انت بكلهـا مثَـل مثَـل
مـاوالله اقـول الشعـر واسترسلـه
خلاصة الموضوع كله ( من - إلى )
بيت ٍ يوضح لك غموض المسألـه :
أنا .. لو إني مـا لعبـت بحسبتـك
ما كان يسبب لك قصيدي مشكله !!
ساعد في نشر والارتقاء بنا عبر مشاركة رأيك في الفيس بوك
hglv[gi ghwhvj idh' ,auv luh] hfdih gukf,iJh lv[gJi >>