شفتها ياصدفه بعد ما غابت سنين
عند قسم المختبـر وسط مستشفى الجــامعـه
جيتها ثم قلت ممكن في سؤالي تسمحيـن
ناظــــرت فينـي بدهشه نظره متــــواضعـه
قالت انته تـحسبني من بنات صايعيـن
تـحسبني في زمــاني في طريقي ضـــايعـه
قلت انا ماراح اطـول كل ابوها كلمتيـن
وابعـدت عني شويه ثم جتنـي راجعـــــــه
قالت اسأل،، واضح انك من رجال طيبيـن
بس هرجك يالسنـافي كــــان وشهو دافعـه
قلت انا حبيت وحده يـوم كنا صغيـرين
ومن ثمان سنيـن راحت للمواصل قاطعـه
عقبهـا ماذقـت نـوم يهتنيـه النايميـن
ساهر في طول ليلي لين شـمسي طالعـــه
اذكر انه فيه حبه فـوق ثغـره من يميـن
واذكـــــــر انه لاجـرينا كـن شعـره تابعـه
واذكر انـه عاشـق الورد والياسميـن
صار قلبي بالـورود اللي عشقهـا زارعـه
طابعا اسـمه بقلبي فيه سيـن وفيه عيـن
وفيه الف وفيه دال وسط قلبـي طابعـــــه
قاطعتنـي بقولها سبحـان رب العالميـن
كـررتـها مـره .. ومرتين .. ورابعــــــة
قلت وشفيك وشبـلاك يابنيه ترجفيـن
ليش عينك يابنيـه من كـــــلامـي دامعـه
قالت الموقف وقلبـي والمحبـه والحنيـن
كيف اشوفك بعد ماكنـت عنك قانعــــــه
قلت انا بسألك انكانك انتـي تذكـرين
عن مواثيـق ثـمنها من حيــــاتـي دافعـه
قالت ظروف الزمان ماتطيـع العاشقيـن
بيعونـي غصب حبك لو هو ماني بايعـه
انا في دنياي حالي كنهـا حال السجيـن
حتـى لــــــو فكـوا سراحه فيه شي مانعـه
زوجوني غصب واحد وحرموني حاجتيـن
السعاده فـي زمــــانـي والحيــــاه الرائعـه
والحين انا ام لثلاثه عندي ريـم وياسميـن
والولدإسمه على إسمك والمشاعـر جايعـه
مما راق لي .
ساعد في نشر والارتقاء بنا عبر مشاركة رأيك في الفيس بوك
atjih dhw]ti fu] lh yhfj skdk