الموضوع: ~*¤®§(*§ طفولة عضو §*)§®¤*~
عرض مشاركة واحدة
قديم 05-06-2011   #4
«بِگ تنِتـ۶ـشِ رُوحِيے»

الصورة الرمزية يابريـے حاليـے
يابريـے حاليـے غير متواجد حالياً

بيانات اضافيه [ + ]
 رقم العضوية : 67
 تاريخ التسجيل :  Aug 2010
 أخر زيارة : 02-05-2013 (09:28 AM)
 المشاركات : 723 [ + ]
 التقييم :  72
 SMS ~
يا زَمَاْنْ الأّقنْعِة ويُنْ الوَجُيۂ؟

ڪلْ يَومْ يِطِيحَ لـْ أصْحَابْـﯦﮯ

..قِناْعَ ..
لوني المفضل : Black
افتراضي رد: ~*¤®§(*§ طفولة عضو §*)§®¤*~


الاسئلــــــــــــــــــــــــه

سامحوني .. راح احل بقلم الرصاص لأني نسيت الازرق بالبيت

نشيد كنت تحبه / تحبيه أيام الطفوله ؟؟

بلـآدي بلـآدي منار الهدى ،‘ ومهد البطولة عبر المدى
عليها ومنها السلام إبتدا ‘، وفيها تألق فجر الندى
حياتي لمجدي.بلـآدي فدآ
.....الخ النشيد

شخصيه كرتونيه كنت تحبها/ تحبيها؟؟

جازورآ ‘، سلاحف النينجا القديييمه ‘، صاحب الظل الطويل
ياقوت ‘، حكايات لاتنسى ‘، بسيط
<<متابع بقوة
وطبعاً لاننسى بنك بانثر (وكنا نسميه ابو ذنيب)

كيف كنت ايام طفولتك شيطيانيه ولامؤدب/بـه؟؟

ولله هادئ نسبياً

ماهو الموقف الذي عرضت /ــتٍ فيه اهلك للاحراج؟؟

صراحة كانت فيه جلسة قدام بيتنا القديم وكان يجلس فيها جدي الله يرحمه

ويتجمعون عنده شيبان الحاره واخوياهـ العصر يتقهوون ويسولفون وهيك

فكنا نروح لمجلس الرجال انا واخوي وثلاثه من عيال عمي ونفتح شبابيك المجلس .. وناخذ بارود لعبة

اللي تكون طلقاتها خرز ونقعد نتصيد هالشيبان واحد تجي برجله والثاني براسه

واللي تطيح بفنجال واحد منهم .. فلما نشوف جدي يقوم من مكانه بيجي يسوي اللازم معنا

ويتخذ إجرائات عسكريه معنا فكنا نهج بنطلع مع الباب اللي ورا وهو الله يرحمه يعرف خططنا

فكان يترصد لنا اساسا عند الباب الخلفي ويمسكنا .. والله لايوريكم

..........

ايضاً من ضمن المواقف اللي تصير ,, انو كنا (نفس الشلة اللي فوق) انا واخوي وثلاثة من عيال عمي

مسوين عصابة ضد الشيبان .. فكنا نروح من وناخذ كراتين ونربطها بسيارات الشيبان من ورا

نفقش عليها بيض نربط بها اللي يطري عليكم من زبايل -الله يكرمكم-

فكنا نوقف ونراقب من بعيد يوم يشغل الشايب موترهـ ويمشي ولا الكراتين اللي تمشي وراهـ

........

ومره انا وولد خالتي .. مسكنا عنز صغيرهـ توها مولودهـ ونلعب معها نركض وتركض معانا هي

فــ إنتبهنا انها وصخه وبالاخص خشمها وصخ ..

الحاصل اننا مسكناها وغطسناها بسطل (بزعم اننا بنسبحها) وهاتك يافرك انا وولد خالتي نفرك فيها

ولا يجينا عمي وبأعلى صوت وش تسوي انت واياه ونترك عنزنا ونهج انا وولد خالتي

والعنز لاتسألون عنها .. (على ماقالوا قبل السبحه اطهر)

وصارت العنز المرحومه .. غرقناها الله يتجاوز عنا

...........


هل كنت / ـتٍ ذات شخصيه قويه أم مغلوب عليك ؟؟

مو مغلوب علي لكن ماني قيادي

موقف حصل في طفولتك كان له دور في تغيير مجرى حياتك؟؟


لايوجد حقيقةً


هل كنت تلعب /يــن بـأوانـي المطبخ أو أدوات البيت؟؟

نعمـ كنت استانس على غطاوي القدور دركسونات ,, وطبعاً قواطي الصلصه

<<كانوا يخترعون

من كـان يدلعك أكثر أبوك ِ او أمك ؟

آبوي

اســم دلعك بالطفوله لحد الان ينادونك فيـه ؟؟ وماهو ؟؟

هٌبش ‘، كوسا بوسا ‘، ربع الدنيا

لكن المستهلك الى الان هبش

بطفولتك كنت تبكي /يــن إذا ماجلست /تــي بالاول /لـى بالطابور اوالفصل ؟؟

بالصفوف الولى فقط (اول ‘، ثاني ‘، ثالث)

عندك عضويه بسن توووب ؟؟<مين ماعنده

كنت اجمع بس ماعمري ارسلت ههههههه

عندك لعبه موجوده من صغرك إلى الآلآن ؟ وماهي ؟؟

نعمـ ‘، (بنانير)

وش اكـثـر حلاوة كنـت/ ـتي تحـبينها ..؟

ماكنتوش انا مسميها سلفانه لأنها تجي مغلفه بقرطاس اسمه سلفان

وش اسم اول مـعلم/ـمه درستك ..؟

‘، محمد غنّام او احمد غنّام او يحيى غنّام والله ناسي
الزبدهـ ان اخر اسم غنّام

هـل كـنت تـعانـي/ ـين مـن اخـطاء فـي مخـارج الحـروف ..؟

لا ولله الحمد


موضوع بقمة الروعه

بصراحة كنا محتاجين نرجع ونتذكر ماضيناوطفولتنا شوي ..

عوافي اكسجين


 

رد مع اقتباس