آنا لاقلت لي شلونك وآنا ضايق آقول بخير
مدامك سائلٍ عني اكيد آن ضيقتي راحت
آنا من كثر ماحبك آشوفك في عيوني غير
تضيق النفس من غيرك ولامن شفتك آرتاحت
آحبك كثر .. ماتطري فـ بالي وتشغل التفكير
كثر .. ماشيلك بعيني وناسٍ منها طاحت
آحبك كثر .. ما آدمح خطاك ان خانك التعبير
كثر .. ماخانت الرفقه بكتم آسرارها وباحت
آحبك كثر .. صقارٍ تولع في محبة طير
كثر .. مادلة الطيّب بريحة هيلها فاحت
آحبك كثر .. مآحس بشعور آني عليك آغير
كثر .. مازيح هالغيره عن آفكاري ولا آنزاحت
آحبك كثر .. مالك داخلي حب وغلآ وتقدير
كثر .. ماغبت عن عيني ودموع آمفارقك سآحت
تصدق !! من عرفتك صرت آحبك .. وآكره التغيير
وآنا اللي كنت اعشق كل نجمه بالسما لآحت
تأكد كل ماتسئل عن أحوآلي آكون بخير
مدآمك سائلٍ عني اكيد ان ضيقتي رآحت
ساعد في نشر والارتقاء بنا عبر مشاركة رأيك في الفيس بوك
Hkh ghrgj gd ag,k; ,Hkh qhdr Nr,g fodv >