مات السكوت وباح بالسد حرفي

وكتب معاناتي على صدر الايام

اتعبني الصمت ومل السهر طرفي

حتى غدى للحزن بالعين ترسـام

كل الشقا في دنيتي اسباب ترفي

بنت خذت في خافقي قدر ومقـام

راحت بعيد ودمع الاعيان ذرفي

تبكي قهر موت الاماني والاحلام

تقول ياحظ ماللبعد بالحب صرفي

وليه النهايه دايم احـزان و آلآم

لو للهوى في كتاب الايام عرفـي

ماباعد احباب عن احباب باقسام

واليوم انا واقف على شف جرفي

جرفن هيار ماقوى اصمود الاقدام

رغم الالم في دنيتي فوق كتفـي

لازلت اعاند فيك يومي والاقسام

ولايحول عن اللقا ظرفك وظرفي

دام الوفا من بيننا لموت الانسـام