شووف البنات إذ جاهم بطاقة دعوه وش يسوون ههههه
لما تجيك دعوة إلى حضور حفل زفاف لأحد الأشخاص
فإن الحريم في المنزل يعلنون حالة الطوارئ في اليوم الموعود
فتلقاهم صافين طابور عند باب الحمام .. من أجل أخذ دش بارد
<<< لأنهم مؤمنات بالقاعدة الفيزيائية
التي تقول : أن الأجسام تتقلص بفعل البرودة
*******************
ثم يهبون إلى غرفة العمليات
فتحصلهم مايخلون مراية في حالها ..
** فتلقى أميره عند مراية التسريحة تتمكيج
** وشيخه عند مراية الدولاب تركب عدساتها
** و زينب عند مراية المدخل حق البيت محتارة شو تسوي شعرها
** نوره محتارة أي فستان تلبس
وكلما اختاروا لها فستان .. قالت : لاء لاء .. شافوه عليّ
** ورغد تترجى أخوها : تكفى ود فستاني للمغسلة
وقول لهم يخلونه مستعجل
** وسارة متوهقة مالقت الحلق اللي يناسب لون فستانها
** و جوري تقول لآخوها : تكفى مر على جارتنا
وخذ من عندها الإكسسوار التفاحي
** و مريم.. انفرط سحاب فستانها .. وتبي الخياط يصلحه
<<< والله من السمنة الزايدة
*****************
وصحة .. ولجة .. وحوسة ...
وكلهم في سباق مع الزمن ..
( طبعا يعيني عالرجال .. ثوب وشماغ .. وانتهت السالفة )
************************************
بعد ذلك .. يركبون السيارة بعد ما بح صوت أبوهم
وهو يناديهم ..
** والمصيبة أذا اخذوا مسافة بالسيارة وجتك نوره
تشهق شهقة قوية .. ويقولون : اشفيييييك
وترد عليهم : نسيت شنطتي تكفى يبه رجعنا للبيت<<<ويعصب ويقول وراي مباراة وجع((الهلال-النصر))
********************
وبعد عناء طويل يصلون إلى القصر ويدخلون
******************
ومن يوم تبدأ الطقاقة بقرع الطبول
تلقى الوحدة تهزّ .. وتهتز وهي لسّا باقي على الكرسي
**********************
ثم يتوافدون إلى المسرح .. وشف الرقص كيف
** اللي تحط رجلها من شرق المسرح إلى غربه
ولا احد يدري أش بلاها
**********
** واللي تهز وهي واقفة مكانها بركاااادة .. وعلى بالها أنوثة ..
******************
وتعال شفهم أذا غنت الطقاقة .. ( يالتكسي )
وقالت : وخذ يمين و بعد يمين ..
تلقى الحريم فعلا مأخذين اللفة يمين في يمين
<<< طبعا من غشامتهم .. يتصاقعون في بعض
************
والوحدة فيهم بتتشقق من الفرحة أذا جت الطقاقة بجنبها
وقالت : يا احمر يا احمر .. عاشوا .. على قلبي
<< طبعا الأفندية فستانها احمر ..
*****************
** وتلقى ثنتين هناك يرقصون نفس رقص العراقيات
وطبعا العجايز منصدمات .. وما فيه إلا قوة دعاوي على هالبنات
**************
** وإذا جت أغنية مصرية ..
تلقى الأغنية والإيقاع في وادي .. والرقص في واد آخر
ألا من رحم الله ..
<< واللي تعرف ترقص مصري .. تلقى البنات يترجونها تقوم
وهي ترفض ..
طبعا من حقها .. تخاف يصكونها بعين على كيفك
وإذا جت الزفة قالوا البنات هااااه حلو المعرس (أيه)يهبل
يؤيؤيؤ ما شفته زين
***********
والوناسة اذا قالت الطقاقة : ( رقصة خاصة لأهل العروس )
تلقاهم يستحون أذا قالت : ( كل آل " فلان " خيّالة )
<<< وهم في الحقيقة .. لم يركبوا حصانا قط ..
بس يالله لزوم المدح
وإذا جاء وقت الطلعة للبيت <<يؤيؤيؤيؤ يمه مانبي نروح البيت ما فيه احد راح خلينا نجلس شوي
<<<<<وتوافق الأم بعد ما نشب في بلعومها ((ههههههه))
ساعد في نشر والارتقاء بنا عبر مشاركة رأيك في الفيس بوك
a,,t hgfkhj h` [hil f'hrm ]u,i ,a ds,,k iiiii