أم تقول..... عيالي ولا واحد فيهم قدم لي شي إلا ماندر تقول والله إني أحتاج أحياناً بس أستحي أطلب منهم . • أما أم ..... فتقول لي ولد متزوج وراتبه ٤ آلاف ريال ويعطيني ألف ولما أرفض يعطينيه بالغصب ووالله إن ربي فاتحها عليه . • أما أم ..... فتقول ولدي يسألني أحياناً تبين شي قدام أخوانه.. استحي أقول إيه أحتاج فلوس ! • أما أم ..... فتدمع عينها وتقول أذكر مرة ذهبت مع ولدي وزوجته للسوق وكل شوي يسألها يأم فلان كم تبين ويعطيها وأنا أمه قدامه مامد لي ريال ولا حتى سأل تحتاجين شي . • و أم ..... قصتها أحزنتني تقول والله قاعدة بروحي في البيت بناتي وأولادي متزوجين وكلهم موظفين وحده من البنات بس اللي تعطيني مع إنها أقلهم راتب وأحيانآ أبيع ذهيباتي لين أحتجت ! • أم ..... وماأدراك ما الأم ..... فتقول عيالي اللي يعطيني ألف واللي يعطيني ألف وخمس . ومبارك الله لهم في مالهم وعيالهم الحمدلله * قصص كثيره اختصرتها لكم لذلك يا إخوان بارك الله فيكم أمهاتكم أمهاتكم أمهاتكم ورحم الله من توفت أمه وتصدق عنها ولو بالقليل. - بعض الرجال يخصص مبلغ لزوجته و أمه لم يفكر يخصص لها . مهما كانت أمك تحتاج للفلوس أو ماتحتاج عطها وصدقني سيبارك لك الله فيه قال تعالى : { يَسْأَلُونَكَ مَاذَا يُنفِقُونَ قُلْ مَا أَنفَقْتُم مِّنْ خَيْرٍ فَلِلْوَالِدَيْنِ وَالأَقْرَبِينَ وَالْيَتَامَى وَالْمَسَاكِينِ وَابْنِ السَّبِيلِ وَمَا تَفْعَلُواْ مِنْ خَيْرٍ فَإِنَّ اللّهَ بِهِ عَلِيمٌ } البقرة215 ˆ الوالدين أولى بالإنفاق عليهم سواء الأم أو الأب لكن أكدت على الأمهات لكونهن ربات بيوت ولا يستلمن رواتب فالله الله بأمهاتكم من هذه اللحظه جربوا لذتها كل شهر أعطها ما كتبه الله لك ولاتسألها تحتاجين أو ماتحتاجين؟
منقول .
ساعد في نشر والارتقاء بنا عبر مشاركة رأيك في الفيس بوك
Hl; ,Hf,; H,gn fluv,t; > N,gn