شبكة ومنتديات همس الأطلال Network Forum whispered ruins - 乂•乂 فمان الله يا درب ٍ على الهجر يتحرّاني 乂•乂 جـديـد ابـو نـورة 乂•乂

فمان الله يا درب ٍ على الهجر يتحرّاني . . . خذاه الوقت من جنبي ولا جاني ولا جيته
قصيدي يا قصيدي يسكن فقلبي طرف ثاني . . . قبل يسكن بيوتي جنّه و تمسي عفاريته
تعال اسأل نجوم الليل يا هاجر من الهاني ؟؟!! . . . و أنا أعلّمك بالوقت الطويل و كيف قظّيته
بغيت أقوى على بعدك و راح الصبر ممداني . . . أهز الشوق و ان طاح الوله بالحظن ظمّيته
ربيعي ياخريفي يا شتاي و صيفي الهاني . . . ترااك انت الفصول و هجرة الشاعر و تشتيته
فظت كل الشوارع مالقيت اللي تريّاني . . . مثل طفل طلع يلعب و رد و مالقى بيته
تحدّاني تحدّاني حبيبي لا تحدّاني . . . أنا لولاك لحن الهجر و الفرقى ماغنّيته
تمنّيتك و قلت فخاطري ليته تمنّاني . . . و أنا ما كل واحد شافته عيني تمنّيته
على كيفك تذكرني على كيفك تناساني . . . و أنا طاريك ولا يوم في قلبي تناسيته
زرعتك وردةٍ حمرة تزيّن كل بستاني . . . دفنت القلب في تربة مشارعنا و خلّيته
أنا المجني عليه اللي يقدّر طعنة الجاني . . . لأن جرحه يذكّرني بطاريه لي حسّيته