قصيدة بمنتسبه عيد الاضحي
 

السلام عليكم جميع الأعضاء


بمناسبة عيد الفطر المبارك


الله يجعلكم من عواده


حبيت أعايدكم بأبيات على الطاير


ونبي من كل واحد يقرأ الموضوع يضيف من عنده


لو بتين مماتجود به نفسه أو مما يحفظ


ولكم كل الشكر



كثيرة وعديده تلك القصائد التي قيلت في مناسبة العيد...وأحببت أن نجمع وإياكم بهذه المناسبه...ما تحفظونه من قصائد قيلت بالعيد......أو تطرقت له من قريب أو من بعيد...



ويقول الأمير الراحل سعود بن بندر...في العيد أيضاً......


أقول في نفسي وأنا أعايد الناس :::::متى بشوفك تكمل أفراح عيدي
أجامل وربي عليم ٍ بالإحساس ::::::: وشهو شعوري وأنت عني بعيدي
اللي خذاني لك على سهو هوجاس ::::: حسيت نفسي وسط ربعي وحيدي
لو حسوا بما بي يقولون لاباس ::::::: بدال قولة على عيدك سعيدي
لاصرت عندي وقتي أعياد وأعراس:::: حتى ولو إني وسط سجنٍ حديدي
عاشرت خلان وتخالطت بأجناس::::: محدٍ سواك أهديته القلب بيدي !!
من تحت ما طا الرجل لي هامت الراس:::: كلش هويته فيك والله شهيدي
لقيت بك ذوقي وأنا قاطع الياس:::::: ومعك بدا يحيا الأمل من جديدي..
وشاعره أخرى تقول:




كلن نهار العيد عايد حبيبه:::::: وألتم شمل القلوب المواليف
وأنا حبيبي غايب الله يجيبه:::::::ويا حسرتي كان انتهى العيد ما شيف!!





عساك من عوادة اللي تعودة ......اللي سقاني ذبلة في ضحى العيد


الجادل اللي كن زمة نهودة......نبت الزبيدي في محاجر جليعيد


من خلقة الدنيا وبنيت عمودة......والبيض في كيد الهوى كيدهن كيد.؟


نمر علي وضحى قصيدة شهودة....ومن قبلنا عينت ((((عليا وأبا زيد))))


ولد الخفاجي راح وأمة تذودة.........خذن قلبة بلمنى والتواعيد


يبي يوري مع هل الخير جودة........وأخر لنا (قصر الأخيضر , وعربيد)





العيد يجمع الله فيه القرابه وتصفى فيه كل النفوس المعاليل
سنه الله في منزل كتابه فرح وسعاده مع تكبير وتهليل






عيدك مبارك صاحبي وين ماكنت ****** يزف لك نبض الخفوق التهاني
عيدك مبارك كثر مابي تمكنت****** كثر الغلا اللي بالضلوع المحاني
او كثر مافي فرحة العيد حزنت****** وارخيت لجيوش العذاب العناني
يوم التفت وشفت ماغايب الا انت****** ضاق الوجود وكل هم" غزاني






تختلف المشاعر بين انسان واخر ، والشاعر المبدع صنيتان المطيري يقول :
ياعيد مالك نظرة في عيوني 000نسيتني مدري زماني نساني
ماقدرت افراحك تعانق شجوني 0احزاني اكبر من كلام التهاني
حاولت اجاري فرحتك واكشفوني 0لاجيت ابضحك ماستمرت ثواني








يقول الأمير خالد الفيصل:..((تشوقت للعيد))....


ياساعة الفرحه تشوقت للعيد****عيد العيون وعيد قلب الصبابه
رد الجمال لشوفتي يا أتلع الجيد**** واسحب على حرفي لحون الربابه
حرفي بصوتك يا أجمل الصوت تغريد**** يا رمز حبي هاك رمز الكتابه
يا صبح عمري فيك للعمر تجديد**** وحبك يجدد كل يومٍ شبابه
للعيد والقمرا وحسنك مواعيد**** وليل الهوى شرّع للأحباب بابه
يا ما زعجت الصوت باسمك تراديد**** ويا ما نسيم الوجد يمك سرابه
وياما تمنيتك على باقي الغيد**** وأقول مثلك يا غلى الروح مابه
يا قطرة الغيمه على يابس البيد**** رد الحياة لخافقي يا ذهابه.







وللشاعر سعود الفدغوش...قصيده جميله...منها:


عيدك مبارك يا هوى البال وسعيد/////وكلٍ يهني صاحبه وقت الأعياد


بس الرسايل يا منى الروح ما تفيد///// ولا تغني الصوره عن الشوق لازاد


لابد تزور الدار في فرحة العيد ///// يا منيتي شمس الموده والإسعاد.







ويقول أحد التعساء في العيد...


يا عيد مالك فرحةً في عيوني**** نسيتني مدري نساني زماني
يا ليتهم يدرون من عايدوني **** إن الفرح ما له بقلبي مكاني






ويرد ناصر الضويحي....ويقول:


يقولون هذا العيد ...يا زين يوم العيد**** صغارٍ تسابق في ملامحهم الفرحه
وأنا أقول هذا العيد عيداً ما هو بسعيد****نكد صار يوم العيد مثل أمس في جرحه






مانبي نطول عليكم عشان ماتملون


الشعر ساحه عظيمه وكل له ذوقه


اللي عنده أبيات يعايدنا


وكل عام وانتم بخير
__________________

رد: قصيدة بمنتسبه عيد الاضحي
 

السلام عليكم ورحمة الله وبركاته
مشكوووووور والله يعطيك الف عافيه

رد: قصيدة بمنتسبه عيد الاضحي
 

مشكور يعطيك العافيه على مرروورك


تحياتي واحترام / هموسه

رد: قصيدة بمنتسبه عيد الاضحي
 

ملاحظه :-


تكفون انا ملي حيل ارد على ايموضوع انزله واقوال تكفون رد وع الموضوع ما يحتاج اقوال رجاء خاص ردو على الموضيع

رد: قصيدة بمنتسبه عيد الاضحي
 

هموسه
الله يعطيك الف عافيه وشوي شوي علينا اختي لا تعصبين اعطينا فرصه وبنرد انا عن نفسي قاعد أعد كم بيت لهذي المناسبه راح انزلها.
وقبل الزحمه والدوشه احب اقول لك عيدك مبارك وكل سنه وانتي بخير وصحه وسلامه.
تحياتي/عشقي وطني

رد: قصيدة بمنتسبه عيد الاضحي
 

وهاي قصيدة منقولة في العيد

صدقيني العيد نفسـه مـا تغيـر مـن سنيـن

فرحة اطفال وتلاقي..لمّة احباب وقرايـب

والاغاني والكروت وقولـة (مْـن العايديـن)

والتمام الشمل يوم العيد .. وانسـام الهبايـب

والتهانـي والهدايـا وحـب روس الوالـديـن

والمواصل للعمام .. وللخوال .. وللنسايـب

كل حاجه مثل ماهي بس انـا حالـف يميـن

إن لا غبتي باسجّل نفسي في هالعيد غايـب

وارجعي بالذاكـره يابنـت وانتـي تعرفيـن

ليه احس العيد عقبك جيّتـه جيّـة مصايـب

ليه لا طالعت (كرت العيد) اكفكـف دمعتيـن

من ذكرت اعيادنا وأيام كان الوضع طايـب

ذكر اني من (مصلى العيد) وانتـي تذكريـن

كنت اسابق خطوتيني متّجـه يمّـك وذايـب

لجل اكون الشخص الاول لجل مني تسمعيـن

في صباح العيد .. جملة (كل عام احنا حبايب)

لجل نكتب خلف (كرت العيد) ذيـك الكلمتيـن

كنت اجيك بقلب طفل وطيش شاب وثقل شايب

كنت انا اعايد وحالي حـال باقـي العاشقيـن

وما معاي الا خفوقي وذي عيوني لك وهايب

وإنتي في اجمل ثيابك كاشخه والزيـن زيـن

تثبتين إنك عجيبة غير عـن كـل العجايـب

فرحة العيد .. بلقانا كانـت اصـلاً فرحتيـن

مثل ضحكات الورود ومثل زخّات السحايب

ما ليوم العيد طعم وما لهـا الذكـرى حنيـن

وكل منّا في مكان وكل واحد لـه طلايـب

الرجا في عيد الاضحى يمكن انـك ترجعيـن

ما اقول إلا عسى الله يجزي من كان السبايب

وإن رجعتي وشفتيَ إني فـي عـداد الميّتيـن

ذا انا باوصيك حاجة قبل تنحـط النصايـب

طالبك في كل عيدٍ .. بعد موتـي .. تكتبيـن

خلف (كرت العيد) جملة كل عام احنا حبايب

رد: قصيدة بمنتسبه عيد الاضحي
 

مشكور يا عشقي وطني بس والله انا الموضوع منزلته منزمن وعصبت علينا وعليك وانت بخير من العيدين
تحياتي / هموسه

رد: قصيدة بمنتسبه عيد الاضحي
 

مطلع الشمس مشكورر على مروك والقصيد المنقوال يعطيك العافيه