|
ضرب المره يا ناس ما هو رجوله http://dc07.arabsh.com/i/02435/heeneplwrzft.gif ضرب المره يا ناس ما هو رجوله وما ظنتي من يضرب البنت رجال لا والله انه ما يعرف الفحوله وبالمهزله البنت به أمثال وأمثال وبعض البشر يقهرك باللي يقوله جاهل يدرس له ملايين جهال أكبر طموحه يعمل أصغر بطوله عنوانها دم المره ما بعد سّال الضرب للحرمه هو افضل عموله ! ويا كثر ما جابوا من أقوال وأقوال كم جاهل ٍ فيهم تردت فعوله وكم عالم ٍ ما يتقي شر الأعمال يلعب ويضرب في بنات الحموله أحلى االتفاهم عنده بسوط وعقال لا عاش رجل ٍ كل هذا ميوله ولا عاش من يتبع حكايات الأنذال ناس ٍ لهم بالجهل صوله وجوله اكبر طموحه عيشه البنت في أذلال عايش وبالقوه يدبر حلوله يسمع نصايح ناس مجموعة حثال الشرعقال أدب وطبقت قوله ما قال عذب واضرب بحقد وخبال لكن بعض الناس حرف نزوله والمسأله صارت بطولات وابطال والعلم ما كل ٍ يطبق أصوله عشنا وشفنا من مصيبات واهوال ناس ٍ بنو للمجد مليون دوله وناس تموت وما بنت نصف تمثال ودرب العلا ما كل واحد يطوله ما طاله إلا شخص واعي وخيال ولا هنت يلي كم بيت ٍ تعوله يلي لكم بالعز رايه ومنزال ناس ٍ لفعل الشر ما هي عجوله تعطف على الحرمه ولا تحقر أطفال الله يعز اللي يعيش ابسهوله والله يبدل للبشر بعض الأحوال والله يرزقكم ببنت ٍ خجوله تطرب لها قيفان وتبدع لها أمثال واغيض منهو مر حولي وحوله واشفي غليلي من حقودين عذال واقهر عديم المرجله والفحوله واقول يا جعلك من الكون تنشال وان قال ضرب البنت أكبر رجوله قولوا له انه ورع ما هوب رجال.. http://dc07.arabsh.com/i/02435/rbwvhl0f8g1y.gif |
رد: ضرب المره يا ناس ما هو رجوله الله يعطيك العافيه لك التقدير :88: . |
رد: ضرب المره يا ناس ما هو رجوله صح لسان شاعرها .. وصح إختيارك وذوقك يالعواذل.. نعم ضرب المراءة ليس رجولة .. لكن ويش نقول في اللي ناقص.. |
رد: ضرب المره يا ناس ما هو رجوله صح لسآنك :$ تسلم الأيآدي :) |
| الساعة الآن 05:27 AM |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd
.:: تركيب وتطوير مؤسسة نظام العرب المحدودة ::.
new notificatio by 9adq_ala7sas
جميع الحقوق محفوظة لـشبكة ومنتديات همس الأطلال