شبكة ومنتديات همس الأطلال Network Forum whispered ruins - كنت احسبك وافي ولاتشهدالزور

وداعة الله للأبد .. وإنت معذور
أتعبت نفسي للأسف في هجيركّ

كنت أحسبك وافي .. ولا تشهد الزور
وكذبت يوم تقول : قلبي أسيركّ

لا ترتجيني .. روح .. ماني بمجبور
أربط مصيري بالهوى مع مصيركّ

خلك حزين وخاطرك دوم مكسور
والهم والهوجاس حايس مريركّ

مع السما بأطير .. ما عدت مأسور
من قال لك تأمن مخاليب طيركّ

أول .. تصّدرني عن العدو مقهور
ضامي ولا وردتني حول بيركّ

واليوم .. شف كيف الليالي بك تدور
تضمى وصالي وأتركك مع ضميركّ

"الحب" دولة و "الوفا" فيه دستور
وخطاك حطيت "الخيانة" سفيركّ

طاح (القناع) وبان ما كان مستور
وعلى العموم أسمع كلام(ن) ينيرك

[مابك قصور] و [وجهك أبيض] و [مشكور]
أدميت قلبي .. كثر الله خيركّ

الجرح ينزف ( بس ) مقدور مقدور
مصيري ألقى من يداويه غيركّ