شبكة ومنتديات همس الأطلال Network Forum whispered ruins

ما ألومك عالخيانه ماهو مستغرب عليك
لأن حبك كان زيف وأصدق إحساسك قذر

ولا أقول انك ذبحت القلب وأشواقه بيديك
ولا أبي لك قول كلمه بعد فعلك ؟تعتذر !؟

انت قصدك إني ابكي؟؟ لا ترى بدري عليك
دمع عيني ما تحدّر لأجل من يبدي غدر!!

حسبي الله في جروحي والحسيب الله عليك
هو حسيبي في هموم أهلكتني بالقهر

كل ذنبي كنت وافي واهدي أفراحي إليك
وكان حلمي لو تكون أنت الحبيب المنتظر

آه من قلبن قهرني من كثر شوقه عليك
بس هو اللي رماني من صعود لمنحدر

والقهر إني احبك لو تبيع وأشتريك
اااه منك كيف تهنى وأنت تسقيني غدر

قلتلك ماهو نصيبك يافؤادي أرتجيك
أتركه خله يولي لا تدور له عذر

اتركه كذاب خاين لايحب ولا يبيك .
ولا يحس بقول احبك أو بصفحك يعتبر

لوتسامح مايقدّر راح يشرك لك شريك
لو تسامح راح يرجع يسقي لقلبك قهر

خان أبوه وصاحت امه وأنت قصدك يشتريك؟!
ذيل كلب ولو تعدل يرجع لوضع الصغر

والسموحه يا فؤادي طلبتن منك أرتجيك
وادري انه في حروقك ما يكفي لك عذر !!