شبكة ومنتديات همس الأطلال Network Forum whispered ruins - حً ـقَيّقَهِ مِآآظٌـنٌ إنٌيّ بّـلَآقَيّ دُؤنٌك آوِطٌآنٌيّ ..

**.**
عيُونك كلّ ما غابت , دقيقه اعرف خِنتك !
أخونِك في غيابك مع " خيالِك كلّ ما جاني " !

حقيقه ماصِبر قلبي / ليَا مِن شافِك و شِفتك ,
الا يا كيفنا نِصبر " بدُونِه نصفـــــــــــنَا الثاني "

أبكذِب لَو أقُول إنّي بِ " ليله " جيتي وعفتك !
صَعِب هي ليله تْعدّي بدُونِك / دُون ما عَاني ,

طبيعي احزَن لْ بُعدِك .. مِدَام إن هذي مَنزِلتك ..
فراقك لو دقايق " هُو " خَطر يا قلبي أنْهَــــاني ..

أبنسى عَالمي وكُونِي .. كفاني " بَسّ معرفتِك "
عن الاوطان لي مَوطِن بدَاخِل قلبِك " أحيَاني "

دقيقه .. وِدي اتخيّل .. حيَاتِي دُون " مَملكتك " !
حقيقه .. ما أظِن إنّي بلاقي دُونِك / أوطَــــــاني .. !

أبتبَع خِطوتِك مَهْما تِسير .. خْطاي تَابِعتك ,
ابمسِك إيدِك وأنسَى .. طريقِ البِيت وأنساني ..

وبصبِح مِثلما ظْلالِك .. ترُوحِي وين لاحقتك ,
تساير خِطوِتك رَاضي , بِدربك مَهمَا ودّاني ..

هِدوئك والهَدب والعِين .. وهمساتك على صمتِك ..
جِعل مِن شاعرك شخصٍ / بحبّك حِيل هيماني ..