|
عش صريح عش صريح ولا تلف ولا تدور والله ان تسلم من اللوم وغثاه الصراحه بندق وساعة تثور اجبرت كل يعرف شمستواه كم شجاع راح في وسط القبور وكم ذليل عاده بوجه الحياه محزم في ساعة الشده يبور جعل ماهو محزم قلبي نخاه صاحب لامننخيته جا يفور وصاحب لامن نخيته قال هاه السنين تدور والدنيا تدور وكل قلب له هواه ومبتغاه ماشقى العالم سوى حب الظهور كل راعي شاه قد هو شيخ جاه وان سكن راعي الدراهم في قصور ماهي بِلذه ولاهي بلغناه الغناه بوجيه وافين الشبور فزعة الي حضه العاثر رماه افة المبدع الا جاه الغرور طاح من عالي الجبل طيحة حصاه والعمر جسر وفي درب العبور انت وحضك يالتعاسه يالنجاه ان قال لي حظي عسى قلبك صبور قلت له لاتكشف البير وغطاه والله ان اهون تدابير الامور زلة الرجال في عيون اخوياه يعذر الطيب ليا جابه قصور دامه ليا شاف مايقصر رفاه لاكن الي مخالفاته في المرور التعدي عقبها عكس اتجاه لاورب الكون ماهو بِمعذور واحد يطعن خويه في قفاه |
| الساعة الآن 02:53 AM |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd
.:: تركيب وتطوير مؤسسة نظام العرب المحدودة ::.
new notificatio by 9adq_ala7sas
جميع الحقوق محفوظة لـشبكة ومنتديات همس الأطلال