شبكة ومنتديات همس الأطلال Network Forum whispered ruins - الله خلقنـي أحبـك حـب بالفطـره

" مدي يدين الوصال ولا يجي بكـره
ودي تموت الثواني في هدب عينـي "
أدري تحبين شعري حب وش كثـره
وش يمنعك كثر شعري لـو تحبينـي
أنا أرسمك بين قاف الشوق والفكـره
من لهفتي فيـك دايـم أسبـق يدينـي
للموت سكره وفي حبك بعـد سكـره
لو جيت " فاقد " دخيلـك لا تخلينـي
الله خلقنـي أحبـك حـب بالفطـره
مبطي أحبك قبـل لا جيـك وتجينـي
أنفاسك الورد ولا الورد مـن عطـره
لاجيـت حـدك تموتنـي وتحييـنـي
لك عاشق ٍ لو كتب لك ماوفا شعـره
أنتي ياأجمل هديه جت مـن سنينـي
أكبر غلط من يقول " الحب من نظره "
أنا عشقتـك قبـل ماتنظـرك عينـي
أحب والله وحبي موت وش كثره
مـدي يديـن الوصـال ولا تحبينـي