|
محاورة عائض القرني وتركي 2000 جرت قبل 4 سنوات وحازت على إعجاب النقاد ومحبّي المحاورة تــــركــــي 2000 سـلام يـا رمـز الأدب والديـن وبحـور القصيـد ** ياللي بنيت أمجاد وصروح ما تمحاها السنين إنـت بزمنـا أكبـر عطايـا وقتنـا وأغلـى الرصيـد ** ولا أقـول غيـر الله يخليكـم ذخــر للمسلمـيـن عــــائــــض الــقـــرنـــي أهـلا هـلا بالشاعـر المقـدام والشـهـم الرشـيـد ** في حضرتـك ننثـر سنابـل كادهـا والياسميـن إليـا ذكـر تركـي ذكرنـا قـصـة الـقـول المفـيـد ** أقطف زهور الورد من شعره على مر السنين تــــركــــي 2000 الله يـبـارك فـيـك يالـلـي كـلـمـا زادوا تـزيــد ** وتبني من الأشعار ما تذهل عقول السامعين النار فاتـح بابهـا والمـوت فـي حبـل الوريـد ** لكن متى تصحـى قلـوب الغافليـن النايميـن عــــائــــض الــقـــرنـــي ذكـرتـنــي بالـنـابـغـة والـبـحـتـري وابــــن الـعـمـيــد ** مـجـالـس الـمـأمـون فـــي بـغــداد وأيـــام الأمــيــن مـعـاويـة نـمــدح عـلـومـه مـيــر مـــا نــمــدح يــزيــد ** وش لون نمدح من توهق حيل في قتل الحسين تــــركــــي 2000 هذي شهادة والشهادة منك يا دكتـور عيـد ** نـبـي نعلقـهـا عـلـى جــدار الـزمـن للتابعـيـن أحد بها الدنيا شقي و أحد بها الدنيا سعيد ** تــمــر دورات الــزمــن والـعـاقـبـة للـمـتـقـيـن عــــائــــض القرني أبي أرسل الأشواق لكن كيف يحملها البريد ** أحـسـن نوصلـهـا وليـلـة عـيـد شــوق الطيـبـيـن أرجــوك خـبّـر كــل مـخـذول وشيـطـان مـريـد ** قـبـر الـغــزاة ديـارنــا وحـنــا عـيــال الفاتـحـيـن تــــركــــي 2000 ضاعت حلول المشكلة يا شيخنا مابه جديـد ** إلا غرور أهل اليسار وصمت أصحاب اليمين مدري نقول لمـا مضـى مـن وقتنـا ليتـه يعيـد ** وإلا عليـك نهـل كـل الدمـع يـا بـدر وحنيـن عــــائــــض الــقـــرنـــي الـيـآس ذنــب وعنـدنـا أحـفـاد المثـنـى والولـيـد ** والشبل من ذاك الأسد وأرض الوطن كله عرين مــن يعتـصـم بالله ربــه عــاش فــي عـمـره سعـيـد ** يبشـر بحفـظ الله لـه ويكـون فـي حصـن حصـيـن تــــركــــي 2000 حنا بلشنـا بالقريـب اللـي عـرض دون البعيـد ** يا صعبها لا حولـت مـا بيـن خشـم وبيـن عيـن الجرح مبطي مابرى والصبر ذاب مع الجليد ** ولا أقـول غيـر الله يعيـن القانتيـن الصابـريـن عــــائــــض الــقـــرنـــي حنا تعودنـا علـى طحـن الحجـارة والحديـد ** ولا نـخـاف الـمــوت لـنّــا للـجـنـان مسـافـريـن عـدونــا والله مــــا يـحـمـيـه زيــــد ولا عـبـيــد ** على جماجمهم نشيد مجدنا الباهي المتين |
ميم أشكركم على هذا الموضوع الرائع و أتمنى لكم مزيداً من المتعة والفائدة ونحن ننتظر كل جديد ومفيد يجود به قلمكم المعطاء . مع أطيب تمنياتي لكم بالتوفيق والسداد . |
| الساعة الآن 04:05 AM |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd
.:: تركيب وتطوير مؤسسة نظام العرب المحدودة ::.
new notificatio by 9adq_ala7sas
جميع الحقوق محفوظة لـشبكة ومنتديات همس الأطلال