|
يا مسافره يامسافره .. والظروف من دونك أصعب من السفر ! اكتب خاطره .. من عناوين الغياب وحروف القهر ! قلبي ومشاعره .. دفتري الحزين يبكي ودموعه حبر ! اتنفّس الضيقه .. واسري في ظلام الليل .. مامن مفر يامهاجره .. كيف الطريقه .. انهد فيني الحيل .. طال الصبر ! الغربه صعبه .. وين السلام من حروب غيابك ! عاشقك ضاع دربه .. مابين الانتظار و عتابك ! أذكر التحايا .. على ذكراك يزور المنايا .. قلب من هواك ! اعتبريني العاشق اللي مايتوبك .. واقف يحتريك على الأطلال يزرع الآمال .. في صدر الغياب .. هوّني على حال محبوبك ! اكتب من القصايد درر .. عتاب وشوق ومفارق أحباب مانويت هجرانك ولامن مفر.. ولا سدّيت من دون رجعتك باب !! اقطف من الورد أعذبه .. والدمع الازرق أسكبه .. واسامر القمرا .. واتحرّا .. وأبوح بين الناس أحبّه !! يافاتنه .. اذكريني ومن حر اشتياقي اسعفيني ضاعت فيني الدروب .. وتاهت عناويني ! اذكريني كل مانسنس هبوب وكل ماغرّد العصفور ~ وفي كل رشّة عطر .. وكل ما ملا حرفك سطر وفي كل مرّه يبكّيك الغياب .. وتعجزين عن رد الجواب واذكريني في كل ليله يتعبك السهر .. وكل ماجلستي على ظفاف النهر ! وكثر ماكنتي لطيوفي ملاذ .. اذكريني يامهاجره .. اقولها في ختام الخاطره |
رد: يا مسافره تسسلم إيدك لاعدمنااك |
| الساعة الآن 12:15 PM |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd
.:: تركيب وتطوير مؤسسة نظام العرب المحدودة ::.
new notificatio by 9adq_ala7sas
جميع الحقوق محفوظة لـشبكة ومنتديات همس الأطلال