ماهي غريبه من يذمك يماشيك
 

تَعَبت أشيـل الهَم عنّك وأداريك
وإنتَ همومـي ثقلَهَــا مـا يهمِّك !



لا يا ( حبيبي) .. الزمن لا يخليك
تقسى على قلبي وتسقيه سِمِّك !



[ دِ نْ يـَ ا كْ ] هذي , لا تغيِّر مباديك
مهما إستطعت الظلم إعدل بحكمك !



ما هي غريبه من يذمِّك يماشيك
لكن غريبـــه يمدحك من يذمِّك !!



ما كل واحد غاب معناه ناسيك
بعض البشر ينساك لو كان يمِّك !



أدري تعزني .. اللـه يعز غاليك
وإن كان لـي عندك معزَّه بضمك !



في خاطري كم كلمةٍ : عن تجافيك
وإن شفت دمعاتي إنزَلَت .. حط كمِّك !



إسمك حبيبي ويا كثِرها أساميك
وقلبي يفز .. لا جابوا الناس إسمك !



ليتك تحس في ضيقتي يوم أحاتيك
أحرق لك أعصابي .. وما حَس دمِّك !



غايب بدون أعذار .. ربِّي يجازيك
عطني سبب مُقنع حبيبي .. وألمكّ !



همِّك , جنونك , ضحكتك , كل ما فيك
صوتك , سكوتك , وأرجع أقول : ( هـ مِّ كْ ) !



[ لبيــه ] منِّك غير .. لمَّا أناديك
كن الكلام العَذب ... مرساه فمِّك !



مهما غلوك قلوب ناسٍ حوالــــيك
أغليك أكثر منِّهُم بس .. لعلمك !



أبوك , خالك , إختك , أخوك , ماضيك
ربعك ، جميع النـاس, وعيـــال عمِّك !



.



.



.
شايف غلاهم لِك .. أكثر أنا أغليك
واللِّي وِصَل ( نِص الغلا ) يمكن أمّك

ي العواذل تفارقناا .....
بارك الله في جهودك
وشكراً جزيلاً لك على هذا الموضوع القيم .

رد: ماهي غريبه من يذمك يماشيك
 

:

أخيراً جيت يا شاطر رجعت مخـاوي الونـات
خضعت و دمعك الثاير على الوجنـه ينادينـي

عرفت الحين مقداري دريت إني على النيـات
ولكن ما مضى ماضي و أنا الحاضـر عناوينـي

نسيت يومك تبكيني نسيت كلمة عديـم الـذات
نسيت يومي أغصّ باسمك و على الغصّه تهنيني

خساره طحت من عيني غدت ميزتك لي سيات
شطبتك من كشوف الحب و دمعي لك يواسيني

صحيح القلب من هجرك كساه الهم و اللوعـات
ولكن عزتي ترفضك مهمـا تصافحـك عينـي

نسيتك قالها قلب(ن) يعاني لحضـة السكـرات
وعلى نعش الهوى كلمة نسيتك مـن شرايينـي

خلاص مرحومي شيعته بصمتي و اندفن بسكات
وتقبلت التعـازي و أنـت و لا فكـرت تعزينـي

وجايني اليوم متأسف عقب ما تاهت الخطـوات
عقب ما ذابت عروقي و ليـل اليـاس طاوينـي

عقب كسرت خواطرنا تبي نرجع محال هيهات
أنا راضي أخاوي الموت و لا مثلـك يخاوينـي

رد: ماهي غريبه من يذمك يماشيك
 

خلّوه .. يجرحني و يرتاح .. خلّوه
يبوح .. باشياء .. قديمه .. كتمها

لا ماعلى .. طعنات يدّيه .. مشروه
أستاهل الطّعنه .. واجي .. و اغتنمها

قولوا له انّي قلت ياناس .. عانوه
ذا .. قلبه الغالي.. وروحي حكمها

هو من كسبني يوم غيره تحدّوه
لو كنت ( ديره ) كان قلبه.. ( علمها )

ماغرّني غيره ولا الغير .. غرّوه
لكن مباني الحب .. حظّي هدمها

في حفرة الضّيقه .. اذا طاح.. شلّوه
هو من حياتي .. بالسّعاده رسمها

طلته ولا غيري من النّاس .. طالوه
له هيبة .. عنّ جد.. انا أحترمها

بقول ياقلب نفع ناس .. باعوه
زمن نفع ناس .. و ناس .. ظلمها

برحل عن دياره .. وفالقلب .. انسوه
متدفّي بنار ..فراقه فحمها

مجبور أجافي .. بسّ وصّوه .. وصّوه
يذكر ليالي .. حبّنا .. ويحشمها

ماجاه منّي.. أي غلطه .. ومكروه
راح بشموخه.. والمحبّه ..حسمها

خلّوه ينساني .. ويرتاح .. خلّوه
مادامها .. فرقا .. وربّي.. قسمها