|
يً آلله عسآنآ يوم نشفآت إلآريآٌق , أنآ ومن يآكل معآي معآتيق =$ السلام عليكم ورحمة الله وبركاته مساء الخير جميلات المطبخ حبيت أطل عليكم بموضوع صغير جمعت لكم فيه مجموعه من الأطباق الخفيفة إن شاء الله تعجبكم نبدأ على بركة الله المنيو .. ❤ ملوخية كشري ناسي قورين باستا الدجاج بالبروكلي والمشروم سمك فيلية مع الخضار مقبلات الباذنجان سلطة خضار الربيع سلطة الدجاج المشوي مع التشدر والزيتون بطاطا حره كرات البيتزا مع صلصة المارينارا رد فلفت تشيز كيك بسبوسة الفستق مانقو سويت برب |
[. تَنّآهِيدْ ألَمْ .]... شكراً لك على جهودك الطيبة وعلى هذا الموضوع القيم . وسنظل ننتظر منك كل جديد مفيد . مع تمنياتي لك بالتوفيق والسداد |
رد: يً آلله عسآنآ يوم نشفآت إلآريآٌق , أنآ ومن يآكل معآي معآتيق =$ الملوخية .. ❤ http://www.wzt3.net/uploads/13389047131.jpg المقادير : حزمة ملوخية منظفه ومغسوله ومفرومه 4 حبات صغيره مستكه دجاج فيليه مقطع مكعبات البهارات ملعقة صغيره من كل نوع ( كزبره ناشفة ، كمون ، فلفل أسود ) مكعب ماجي 2 فص ثوم مفروم زبدة الطريقة : نذوب نتفة زبده ونحط عليها المستكه لأنها تعطي نكهه خورافيه بعد ماتذوب المستكه نضيف الدجاج ونبهره ونضيف له مكعب الماجي نقلب الدجاج ثم نضيف له الماء تقريبا انا احط كاس مويه لكل حزمه واشوف إذا تحتاج أزيد إذا استوى الدجاج نضيف الملوخية ومانخليها تغلي كثير عشان مانخسر فائدتها الغذائية نكون محمرين الثوم المفروم في شوي زيت ونضيفة للملوخيه نذوق ملحها وتقدم وبالعافيه .. |
رد: يً آلله عسآنآ يوم نشفآت إلآريآٌق , أنآ ومن يآكل معآي معآتيق =$ الكشري .. ❤ http://www.wzt3.net/uploads/13389048631.jpg المقادير : رز حسب عدد الأشخاص مكرونة عدس أخضر كبير منقى ومنقوع طماطم معجون طماطم بصل مفروم + بصل مقطع جوانح للوجه 3 فصوص ثوم فنجان خل كمون ، كزبرة ناشفة ، ملح ، وفلفل أسود ، فلفل أحمر باودر الطريقه : أول شي يغسل الأرز وينقع في مويه دافيه في هالوقت نكون غسلنا العدس انا اسلقه شوي واكب مويته وأضيف له مويه من جديد وارجع اسلقه نص استواء نقلي البصل المقطع لين مايصير لونه ذهبي غامق ، بعدين نضيف له العدس ونبهره بالكمون والبهارات المشكله ونضيف له الأرز والمويه نخليه يغلي شوي عالنار ونهدي النار لحد مايستوي الرز نسلق المكرونه لحال في قدر ثاني ونخليها على جنب بعد ماتستوي المكرونه أحب اضيف لها شوي من الصوص الأحمر ونحمر البصل اللي قطعناه للزينه بعد رشه بكميه قليله من الدقيق عشان يكون مقرمش في شوي زيت ونبهره بالملح والفلفل الأسود وقليل من الهيل لحد مايصير ذهبي للصوص الأحمر نحتاج لــ: ٣ فصوص ثوم ٣ حبات طماطم مبشورة بصلة متوسطة الحجم مفرومه 3 ملآعق طعام معجون طماطم ملح ، فلفل أسود، كمون فلفل أحمر باودر (فلفل حائل) أوحق هنود اللي تحبون أول شي نشوح الثوم بالزيت بعدين نضيف له البصل لحد مايذبل البصل بعدين نضيف له فنجان الخل والكمون والملح والفلفل الأسود والفلفل الأحمر الباودر للي يحبونه حار نضيف الطماطم المبشوره بعدين معجون الطماطم ونتركه على النار لحد مايثخن قوامه ويكون صوص ثقيل بعدها يقدم بوضع الرز بالعدس مع المكرونة ، وعليهم صلصة الطماطم ، ويزين الطبق بالبصل الملقي ويقدم مع صلصة الطماطم وبالعافيه مقدماً .. |
رد: يً آلله عسآنآ يوم نشفآت إلآريآٌق , أنآ ومن يآكل معآي معآتيق =$ ناسي قورين بالشريمب ( الأرز المقلي ) .. ❤ http://www.wzt3.net/uploads/13389049611.jpg [COLOR="rgb(46, 139, 87)"]المقادير : شريمب طازج ومنظف أرز بسمتي مطبوخ ومستوي جاهز يعني بصله متوسطه مقطعه جوانح فصين ثوم مفرومه بيضة مقلية حسب الرغبه (إختياري) جزر مبشور ملفوف أبيض مقطع بشكل طولي بصل أخضر صوص كيكاب مانيس ( صويا إندونيسية ) إذا ماتوفرت ممكن نسويها بالبيت بإضافة فنجان صويا صوص وملعقة طعام كاتشاب وثوم بودرة الطريقة : يشوح البصل والثوم في قليل من الزيت ثم نضيف الربيان ونبهره بالكزبرة الناشفة والزنجبيل الباودر ورشة ملح وفلفل أسود ورشة توابل صينية لحد ماينضج ونتركه على جنب نضيف له الجزر المبشور والملفوف ونقلبهم سوا ثم نضيف الرز المسلوق في المقلاه اللي شوحنا فيها الربيان والخضار نضيف له البيضه المقليه وشرائح البصل الأخضر و والصويا الأندونيسية ونقلبه ع النار بشكل سريع لحد مايتغير لون الرز ويكتسب لون الصويا يقدم في صحن التقديم زينت الوجه بكم حبة ربيان مع شرائح البصل الأخضر وبالعافيه [/COLOR] |
رد: يً آلله عسآنآ يوم نشفآت إلآريآٌق , أنآ ومن يآكل معآي معآتيق =$ باستا الدجاج بالبروكلي والمشروم .. ❤ http://www.wzt3.net/uploads/13389050471.jpg المقادير : دجاج فيليه يغسل ويتبل كل مازاد وقت التتبيله كل ماكان الطعم ألذ نتبله بـ( عصير ليمونه ، ملعقة أكل خردل ، نص ملعقة صغيره زنجبيل باودر، أوريقانو ، ملح ، فلفل أسود ، صلصة باربكيو النوع اللي استخدمته سبايسي شوي) باستا فطر طازج م ص زبده ملح وفلفل أسود بهارات ايطالية كريمة خفق ثوم مفروم بارميزان مبشور [COLOR="rgb(47, 79, 79)"]الطريقة : نشوي قطع الدجاج الفيليه لحد ماتنضج في هالوقت نسلق الباستا في ماء وملح وقليل من زيت الزيتون ونطبخ البروكلي عالبخار (أحيانا إذا كنت مستعجله أسلقه) في قدر ثاني نسيح الزبده ونضيف لها الثوم المفروم والفطر الطازج اللي قطعناه شرائح نشوحهم شوي بعدين نضيف لهم كوب كريمة خفق وملعقتين أكل جبنة سايله كرافت وملح وفلفل أسود ورشةتوابل ايطاليه نخليها ع النار شوي لحد ماثقل الكريمه نأخذ الكريمة ونصبها على المكرونه المسلوقه ونضيف لها البروكلي نقدمها في صحن تقديم ونحط شرائح فيلية الدجاج المشوي فوقها ورشة بارميزان على الوجه وتقدم وبالعافيه .. [/COLOR] |
رد: يً آلله عسآنآ يوم نشفآت إلآريآٌق , أنآ ومن يآكل معآي معآتيق =$ سمك فيليه مع الخضار .. ❤ http://www.wzt3.net/uploads/13389051661.jpg الطريقه والمقادير : سمك فيليه يقطع قطع متوسطة الحجم الأفضل طازج خضار مشكله ( كوسا . جزر . فلفل رومي ألوان .شرائح ليمون. بصل جوانح وفص ثوم مفروم) نضع الخضار في صينية غير لآصقه ونشوحها مع قليل من الزيت ونتبلها بالملح والفلفل في صينيه ثانيه نحط نتفة زبده ونشوح فيها البصل والثوم بعدين نضيف السمك ونتبله بالزنجبيل الباودر والكزبره والملح والفلفل الاسود مع رشة توابل السمك من اسناد ونضيف له ملعقتين طعام صلصه طماطم وفنجان صوص صويا ونقلبهم شوي عالنار إذا استوى السمك نضيف له الخضار ونقلبهم ويقدم مع الأرز أو ينوكل بالخبز وبالعافيه مقدماً .. |
رد: يً آلله عسآنآ يوم نشفآت إلآريآٌق , أنآ ومن يآكل معآي معآتيق =$ مقبلات الباذنجان .. ❤ http://www.wzt3.net/uploads/13389052231.jpg المقادير والطريقة: باذنجان ميني أو باذنجان متوسط الحجم مسلوق نص سلقة ثم يفرغ جزء من حشوته نكون مجهزين له هالخلطه جبن تشدر الأفضل كرافت جبنة مازورلا طازجه بارميزان طازج مبشور فص ثوم مفروم رشة بابريكا شبث مفروم أوريقانو بعد مانحشي الباذنجان نحط فوقه شريحة فطر طازج وندخله الفرن يتحمر من تحت بس لمدة 20 دقيقة لحد ماتذوب الجبنه ويقدم وبالعافيه |
رد: يً آلله عسآنآ يوم نشفآت إلآريآٌق , أنآ ومن يآكل معآي معآتيق =$ سلطة خضار الربيع .. ❤ http://www.wzt3.net/uploads/13389052871.jpg المقادير والطريقة : باذنجان مقطع مكعبات ورشيته بشوي زيت زيتون وملح وفلفل أسودوشويته بالفرن بطاطس مكعبات صغيره مقلي زهره تقطع لقطع صغيرة وتقلى فاصوليا حمراء حمص ملفوف أبيض وأحمر مقطع شرائح رفيعه فلفل أصفر حار ( إختياري ) للدريسنق نحتاج فلفل رومي نقصه من فوق ونفرغه من الحبوب عشان نحط فيه الدريسنج الدرريسنق في الخلاط نحط علبة زبادي عصير ليمونه صوص رانش (ماأتقيد بمقدار معين فيه ) ثوم باودر ملح وفلفل أسود رشة توابل إيطالية خردل ديجون وكزبره وشبث (قليل من كل نوع لأنه هو اللي يعطي اللون الأخضر للدريسنق) لما نجي نحطها في الصحن نفرش الملفوف وبعدين نحط الخضار مع البقوليات طبقات والدريسنق في الوسط شكلها مره حلو والدريسنق معطيها طعم موووب صاحي |
رد: يً آلله عسآنآ يوم نشفآت إلآريآٌق , أنآ ومن يآكل معآي معآتيق =$ سلطة الدجاج المشوي مع التشدر والزيتون .. ❤ http://www.wzt3.net/uploads/13389053501.jpg المقادير والطريقة : دجاج فيليه يغسل ويتبل كل مازاد وقت التتبيله كل ماكان الطعم ألذ نتبله بـ( عصير ليمونه ، ملعقة أكل خردل ، نص ملعقة صغيره زنجبيل باودر، أوريقانو ، ملح ، فلفل أسود ، صلصة باربكيو النوع اللي استخدمته سبايسي شوي) (طبعاً أنا معتمده هالوصفه لكل شي سلطات ساندوتش باستا أو حتى ستيك) نشوي الدجاج واذا نضج نغطيه لحد مانخلص من تجهيز السلطه خس أمريكي جبن تشدر مقطع لمكعبات صغيره زيتون أخضر طماطم كرزيه خيار في صحن التقديم نضع الخس ثم الزيتون والطماطم والجبن التشدر ثم الدجاج ونحط فوقة الدريسنق اللي هو: عصير ليمونه ملح وفلفل أسود خردل ديجون صوص رانش ونقدمه وبالعافيه |
| الساعة الآن 09:57 AM |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd
.:: تركيب وتطوير مؤسسة نظام العرب المحدودة ::.
new notificatio by 9adq_ala7sas
جميع الحقوق محفوظة لـشبكة ومنتديات همس الأطلال