شبكة ومنتديات همس الأطلال Network Forum whispered ruins

سوالف الليل مثل الطعـن بالحربـه
يسيل دم الجروح وينـزف السانـي

صديقي الحزن لا تسولف عن الغربه
اسكت ولا تنبش اجروحي على شاني

ميت ولو كنت عايش فوق ذا التربـه
عايش ولو كنت ميت داخل اوطانـي

غريب هذا الشعور شلون ما اشعربـه
كبير هـذا الزمـان شلـون بكانـي

امسي على هم واصبح علـى كربـه
الله واكبـر علـى حـظ تحدانـي

شقيت صدري من الضيقه وانا احفربه
قبر يشيل التعب لعيون حرمانـي

ميت من الضيق وانت منيشن الضربه
ما ترحم الميت ولا تفضـح الجانـي

هم اجرحوني وانا صـدري يعزربـه
قلب يدور عـذر لعيـون خلانـي

هو رمح جساس من يغـدر تعذربـه
والله مدري من الـي يعـذر الثانـي

وجيه ما تستحي وعقولهـم خربـه
واطيبهم الي علـى شكـوة تمنانـي

يمدي يروح الوفا بحلوقهـم شربـه
الي ذكـر زلتـي وشلـون ينسانـي

ما كني الا السما وجروحهـم سربـه
حامت وطارت وانا يـا ذل جنحانـي