شبكة ومنتديات همس الأطلال Network Forum whispered ruins

[i]
نصيحة ياغافل عن الموت حاذر
تراك منته فوق هالأرض دايم

لا تنجرف خلف الفتن والمناكر
وتعيش لاهي في معاصيك هايم

يمكن يجيك الموت وانته مسافر
والا يجي وانته على فرش نايم

لا جاك موتك يعجزون الدكاتر
لوكان بك مليون دكتور قايم

احسب حساب لوحشتك في المقابر
حشر وعذاب وضيقةن في الظلايم

احفظ صلاتك في حياتك وبادر
في حفظ نفسك من معاصي عظايم

الدنيا ياغافل سفر وأنت عابر
اربط حزامك دوم سدد قسايم

يامسلم الزم طاعتك لا تكابر
بعدك عن الطاعات أكبر جرايم

انصحك يالمسلم فدنياك حاذر
خلك على نفسك مراقب ولايم

بادر وتوب اليوم لا تقول باكر
باكر ترى ما يلحق الخلق دايم

تفوز بالجنة وبعلى المنابر
لا صرت مسلم عن معاصيك صايم