شبكة ومنتديات همس الأطلال Network Forum whispered ruins - ×||| ياصاحبي .. طالبك ... خلّني .. ب حالي |||×

السلام عليكم ورحمة الله وبركاته
هذي ابيات راقت لي وحبيت
اضعها هنا ...
اتمنى ان تنال ع اعجابكم
×||| ياصاحبي .. طالبك ... خلّني .. ب حالي |||×

http://www.x0x6.com/vb/images/smilies/xp11.gif http://www.x0x6.com/vb/images/smilies/xp11.gif http://www.x0x6.com/vb/images/smilies/xp11.gif
ياصاحبي طالبك خلّني ب حالي
ما أبي "أضيّق خاطرك" وأنت مرتاح

ياصاحبي وإن غبت عنك " ليالي "
غلاك باقي ب الحنايا ولا راح

تبي أسولف لك ، وش اللي جرالي ؟؟
أخاف يمسح قولنا الصبح لا لاح

أجل تعال أجلس هنيّا قبالي
دام الحطب طاح وكثير العتب طاح

لو كل شخص إليا عطيته وفالي
ماكان ب الدنيا حزن ليل وجراح

ولو كل غالي قدّر إحساس غالي
ماشفت ذاك الدمع من محجره ساح

ولو كل قلب من الحسد جاك خالي
مايشتكي من شحّ الأمطار فلاّح

ولو كل واحد جاك طبعه مثالي
ماكان ب الدنيا سجن ناس وإصلاح

ولولا الذنوب اللي ب كبر الجبالي
ماكان جيش الكفر ل بلادنا إجتاح

ولو الردي يعرف ش معنى عيالي
ماقطّ أبوه ب دار الآلآم يا صاح

هذا بعض حزن السنين التوالي
طير الحزن مبطي على خافقي ناح

ما أقول أن الخير ماله مجالي
لآ والذي يفلق من الليل الإصباح

لكن هنا بعض الألم ياحلالي
وأنا أدري أن العود يوم أحترق فاح

أول أقول إني صبور وشمالي
واليوم لآ والله أنفجر سدّي وباح

ماقلت لك ياذيب خلّني ب حالي
هذا أنت ضقت وأذكرك جيت مرتاح
http://www.x0x6.com/vb/images/smilies/xp11.gif http://www.x0x6.com/vb/images/smilies/xp11.gif http://www.x0x6.com/vb/images/smilies/xp11.gif

مما راق لي ..http://www.x0x6.com/vb/images/smilies/xp11.gif

الهادئ