من الحيرة ..عجزت أروض الخيرة على النسيان ..
تخيّرت الحزن سيرة .. وياااما كان :
طفل ..ذنبه ترك ظلّه على بابه ...
وجاته بنت قالت له متى نكبر ؟ متى هذا الشجر يخضرّ ؟
وانا وانت لنا أولاد .. نهديهم أسامينا ...

ومرّ الصبح في بابه ضحى ولهان .. حنون يلاطف الجدران ..
يسألها متى ترجع ..؟متى هذا المدى يسمع وتصْدُقنا حكاوينآ
تململ واحتراها شمس .. تجي من أمس ..
يأخذها بلفتاته .. تغيَّب يومْ عن مجموعة أوقاته تحرّاها وناداها ولا جاته !

من الحيرة ..عجزت أروّض الخيرة على النسيان ..
تخيّرت الحزن سيرة .. وياماكان :
عُمُر ما ينتهي صدفة ولا يبدا بلا ميعاد ... جنون القلب بين الموت والميلاد ....
قصيدة عمرك الهارب ورا صوتك ..
ولقطة وجهك الباكي على موتك ..
سما صفرا وسرب طيور :
أنا المذكوروالمأسور والمشهور بالحسرةْ ...
.......... وأنا المفطور والمنذور والمغرور بالفطرةْ ..

***
من الحيرة عجزت أروّض الخيرة على النسيان ..
تخيّرت الحزن سيرة وياما كان :
كبِر وقتك ..وشابت غرّة أحزانك ...
صلاتك آخر أيامك على شانك .. مكانك داخل اللحظة وعنوانك
تخيّرت الحزن سيرة ..بتعذيبه وتأثيره ..وعشت إنسانْ

للمبدع دومآ / ابرآهيم الوآفي