شبكة ومنتديات همس الأطلال Network Forum whispered ruins - مناسبة قصيدة يا بنت يا اللي في كناكر تخيطين

السلام عليكم ورحمة الله وبركاته

هذه الابيات نسمعها قديما ويتغنى بها الركبان لجمالها
فحبيت اوردها لكم

يقال ان جندي سعودي من القوات السعوديه بسوريا
ذهب لقرية سوريه تسمى كناكر لتفصيل بدله والخياط
في تلك القرية فتاه.وعندما بدأت التفصيل لم يعجبه
تفصيلها.فطلب منها ان تسمح له بخياطة بدلته بنفسه
فاذنت له فبينما هو يخيط البدله دخل عليهم احدالجنود
الكوتيين يقال انه من قبيلة(....)فقال الابيات التاليه
ولم يذكـر اسمـــه :

يابنت ياللي في( كناكر) تخيطيـن
خيطي لنا منديل ذكرى لأهلنا

تريحـي يابنـت جولـك بديليـن
رجالهـم فـي شغلكـم ماتـونـا

اذااشتغل يابنت وانتـي تشوفيـن
وان دقت الابره مع السلـك غنـا

جنديهم ياخذ الصنف عشرين
جندي سعودي بالخياطة تفنا

رجالهم يابنـت يعـرف بثنتيـن
الكحل في عينـه وبالكـف حنـا

على حسب قوله طلعتوا غشيمين
اخذ زمام الفوز مـن غيـر منـا

,,,,,,,,,,,,,,,,,,,,,,,,,,,,,

ورداحدالشعراءالسعوديين واسمه(سعيدسفرالعجمي)
بالابيات التاليـــــه:

جاني جوابا به من الشعر بيتيـن
قولوا لراعى الخط خطـه وصلنـا
من الكويتييـن يحمـل عناويـن
وراعيه من خوفه خفا الاسم عنـا
لكن لك الله لابدل الخـط خطيـن
والحمـد لله جـت علـى ماتمنـا
واوضح اسمي واطبق القاف قافين
واللـي تحدانـا تـرا ماشطـنـا
انا من اللـي ان تعلـوا شياطيـن
بظهورها شجعـان ابطـال حنـا
من الذي وسط المجالس سلاطيـن
ربعي هل الطـالات زبـن المجنـا
جندي سعودي جيت من منبع الدين
نحمي عروبتنـا ونحمـي وطنـا
جيش السعودي بالمعارك شجيعين
وبدالنـا بالمعركـه هـي كفـنـا
يابنت لهروجه حـذارك تصاغيـن
هذي خبول الناس جـت تمتحنـا
عرضت ساقك للكسـر يامسيكيـن
خبـلا رمـاه الله واجلـه تـدنـا
نسيت صنعتكـم وفيهـا فهيميـن
معروفة صنعتك مـن غيـر ضنـا
فزتوا علينا صنفكم صار خمسيـن
بديلـه (المرقب)عليـهـا تثـنـا
يابنـت كـانـك(...) تريـديـن
جندي كويتي سمسري لـك يعنـا
يشاركك بالمصلحـه لـو تعيبيـن
ويفرح اذا يسمـع جرسكـم يرنـا
ويساعدك كان الزبايـن كثيريـن
بطران واحلى اخبار عنـه نشرنـا
والمعذره ياللـي كرامـا وغاليـن
صار الخطى منكم ولاصـار منـا

,,,,,,,,,,,,,,,,,,,,,,,,

ورد شاعراخر عتيبي وهو / عبدالرحمن بن سهل السريعي العصيمي رحمه الله وهو شاعر ذو مقدرة شعرية قوية وقد قال له الملك فيصل اطلب ماتريد فقالوا الذين حوله جمس فقال اعطوه جمس جديد والقصيدة اطول من ذلك

البارحة ياصاح مانامت العين
كن الرمد في حجرها مستكنا
سهران لين انه غدا الليل ليلين
لين النجوم السامرات ادبحنا
من شاعر غنا مع ايمن فلسطين
جتنا علومه مع طروش لفنا
يسب نجد ونجد فيه السلاطين
نجد العروبة اللي فيها مثنا
فيه الملوك اللي على الشرع ماشين
مخضبت جرد النعش بالمحنا
نرجي انهم دايم على الحكم باقين
لين الحشر ماياتي بدلهم وطنا
غيث الأرامل والعمي والمساكين
وسعود من جاء من دياره مثنا
يالوطي المشهد عرفناك هالحين
والخايب اللي صيرفك ماشحنا
وسوس عليك ابليس مغوي الملايين
ونهقت مثل اللي نهق عند اهلنا
والله لوانك من (....) العريبين
اهل الحميه ماحصل فيك لنا
لاشك من سحم الظهور المجلين
جلوك مع جملة (قـ.....) جلنا
جلوك للبصرة مقر الشياطين
وكل لفالك من بعيد المغنا
من هذي فيك حطلك خصرين
واصبغ على الرجلين كنك تحنا
والبس قصير الثوب تراه لك زين
وارقص لامن البنات ارقصنا
انت من قوم مجرى نمرتك نمرة اثنين
من المذهب الخامس ولنته بمنا
المذهب الخامس بعيد عن الدين
ابعد من ابها عن ضواحي فينا

منقول