شبكة ومنتديات همس الأطلال Network Forum whispered ruins - صعبة أعيش بداخلي حلم مكسـور ..

صعبة أعيش بداخلي حلم مكسـور
وصعبة أكون إنسان جـداً مثالـي
حاولت لكني فشلت أتقـن الـدور
[ سويت زحمة ] في زمن لايبالي
صدقت كذبه إسمها / حب وشعور
أنام واصحي والغزل رأس مالـي
أسمع أغاني واللآلم فينـي بحـور
" دنيا الوله " صارت ترتب خيالي
ونزار قبانـي إذا يكتـب سطـور
حسيت إنه يكتب اللي فـي بالـي
لين إنصدمت وإنكشف شئ مستور
زيف .. المبادئ إنكشف من خلالي
لاحـب لاذمـه ولافيـه دستـور
في هذي الحالات قيـس إنفعالـي
لاهتز ضرسي أشلعه دون ماشور
أقدر أشيلـه وازرعك .. ما بدالي
إسمع تفاصيل الحكي والحكي نور
وإسمع جوابي قبل تسمع سؤالـي
بتجاهلك ماني أنـا فيـك مجبـور
لن التجاهل بعض الاحيان غالـي
ومن منطلق رغبة اذا تفهم الشـور
احفظ .. كلامي لا قريت ارتجالي
تموت أحلامي ولآ أموت مقهـور
تموت أحلامي اذا .. الـرأس عالـي % ..