|
برياني الدجاج ( طبق هندي ) .. طبق اليوم هو البرياني الهندي، طريقة سهله، ولذيذة والاهم النكهة الاصلية موجوده، بدون حوسة وكثرة أغراض ,.., المقادير: بصلتين مقطعين سلايس، ومقلية بالزيت، دجاجه ونصف دجاجة، مقطعه حجم صغير كوبين ونص رز بهارات الخلطة اللي نضيفها على الدجاج، بدون مانحمس أي شي،: (العشبة هذي عشبة هندية، ممكن تتقاضون عنها، تشبه ورق الغار) ، وكزبرة، ونعناع ناشف، زيت مسمار حب، هيل، أعواد الدارسين، ملعقتين ليمون ورق الغار ملعقتين كركم بودرة 1م كمون بودرة 1 م كزبرة بودرة 1 م فلفل أحمر بودرة ملح كمون حب، فلفل أسود حب، معجون ثوم وزنجبيل (ملعقتين كبار) نعناع ناشف أو طازج.. فلفل اخضر (قرنين أو على حسب رغبتكم، يقطع ويوضع على الدجاج) بصل مقلي كزبرة طازجة، و3 علب روب (زبادي) للرز: زعفران منقوع بماي الورد، ويضاف عليه ملون الطعام (ملون بالزعفران) نجي للطريقة السهله جدا: نقوم بتنقيع الرز، كوبين ونص وبعدين نجهز الماي لسلق الرز، باضافة (كمون، وكزبرة، وحبه حلوة حب على الماء، مع أعواد دارسين و مسمار)، وزيت ولازم نضبط الملح في هذه المرحلة لنجاح الرز.. طبعا نسلق الرز، نص سلقة، يعني الرز يتكسر، لازم مايكون لين، ولا بيخرب عليك البرياني كله .. واللحين بعد ماجهزنا الرز، نجهز الدجاج، ومثل ماقلت لكم، البصل المقلي يكون جاهز، (لونه يكون أشقر) نقطع الدجاج، ولازم نغسله بملح، وطحين، ونغسله كويس عشان الزفرة .. هنا حطيت كل المقادير على الدجاج والبصل، هنا اضفت الزبادي، وشوي من الصبغه عشان تعطي لون مميز، نضع في اسفل القدر، زيت ونصف فوقه الدجاج بشكل مرتب ونكبس شوي عليه بالملعقة، وبعدها نضيف الرز فوق الدجاج، مع اضافه على الوجه باقي البصل، والكزبرة، والنعناع، وملون الطعام، وبعدين نغور الوجه، ونضيف فيها، منقوع الزعفران وماي الورد، ونسكر على الرز ، عدل بالقصدير، وتكون الحرارة هادية جدا، ويفضل قبل مايجهز، نحط شبك تحت القدر عشان مايحترق، وفي الوقت هذا نجهز، سلطة، الروب الهندي، عصير ليمون بالنعناع، صوص السلطة: (زيت زيتون، م ص كمون، صماق، ليمون، فلفل أسود، ملح، وزيت) اما الروب، (علبة زبادي، كزبرة، نعناع، فلفل اخضر، وملعقة زنجبيل بودرة، ملح فلفل أسود، واذا تحبون ثوم) نخلط جميع المقادير في الخلاط، وتقدم مع البرياني.. جا وقت التقديم، بالهنا أحبائي آل همس |
رد: برياني الدجاج ( طبق هندي ) .. هههههههههههههههههه الصور تحولت من دجاج الى ضفادع ..؟ بليز اعيدي الموضوع مع التظليل ومسح الروابط ثم نزليه .! تقديري لسمو شخصك |
رد: برياني الدجاج ( طبق هندي ) .. ههههههههههههههههههههههه بس الموضوع طالع عندي .. وأهلا بك . |
رد: برياني الدجاج ( طبق هندي ) .. تيب وش ذنبي اناااا ..؟ ما طلع ! |
رد: برياني الدجاج ( طبق هندي ) .. لازم تسجل في الموقع عشان الصور الي ترفع على موقعهم تطلع لك . |
| الساعة الآن 10:02 AM |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd
.:: تركيب وتطوير مؤسسة نظام العرب المحدودة ::.
new notificatio by 9adq_ala7sas
جميع الحقوق محفوظة لـشبكة ومنتديات همس الأطلال