|
شحوب الزوايا اعروق قلبي في غيابك ظمايا! ..............حاول تبلل نبضها لودقيقه! جرب تقيس الشوق وسط الحنايا! ..............ترى إجتياح العشق محد(ن)يطيقه! شف زرع حبك نابت(ن)بالخلايا! ..............اقتات به واتنفسه واستذيقه! وان ماكفاك الشوق قل للبرايا! ..............ان الحياة ابلا تواجدك ضيقه! من رحت عني والمواني عرايا! ..............مالفها لون الشفق في طريقه! امست مداينا بدونك قرايا! ..............ماتت معالمها وباتت سحيقه! واضح بنا حتى شحوب الزوايا! ..............مع عتمة الشباك صارت عتيقه! حتى المكان اللي يثير الحكايا! ..............اصبح بدون ارضاك فاقد بريقه! ماعاد يطربنا حنين الخفايا! ..............ولاندور في سرابك حقيقه! اما تجي وتمد بيض النوايا! ..............وتسقي حنايا خافق(ن)جف ريقه! والا بلاش من الكذب والهدايا! ..............روّح عسى تلقى بدالي رفيقه! الشاعره تاج الغرور |
| الساعة الآن 01:18 AM |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd
.:: تركيب وتطوير مؤسسة نظام العرب المحدودة ::.
new notificatio by 9adq_ala7sas
جميع الحقوق محفوظة لـشبكة ومنتديات همس الأطلال