رحلت عن دارك وانا خاطري فيك

[اسير الصمت]

http://www.ro7hail.com/vb/imgcache/74513.imgcache.png

رحلت عن دارك واناخاطري فيك
رحيـل حاكـم دولتـه مستحلـه

حاولت اكابر وانسى ماضي لياليك
جتني طيوفك زادت الطيـن بلـه


سالت دموعي فوق خدي تناديـك
عقبك ترى دنياي صـارت مملـه

شف حالتي وشلون لا حل طاريك
شفني على طاريك دمعـي اهلـه

تدري وش اللي حارقن قلب مغليك
قرب المسافه والوصل ماحصلـه

طالبك عود خلنـي بيـن اياديـك
ارجع ترى فالصدر مليـون علـه


تعبت اقول انـي مـردي بلاقيـك
واشوف حزني خيم الكـون كلـه


طاح الامل قدام عينـي واناجيـك
منهار ضايع مالي درب(ن) ادلـه


خانت بي الايام خانت خطاويـك
عقب الغـلا قلبـك تغيـر محلـه


لكن ولا يهمك بسافـر واخليـك
دام الرجا خايب وسيفـك تسلـه


أببتعد عنك وانـا خاطـري فيـك
بسوق رجلي واتوكـل علـى الله


مع السلامه بنسى ماضي لياليـك
دام الامل ضايع وسيفـك تسلـه

[نيروز]

..

يعطيك ربي الف عافيه
وسلمت يمنآك ..
طرح رآئع كثيـــــر
ومجهــود جمميل جدآ
كل الشكر لك

[اسير الصمت]

فجر
حضور عذب
حضور هادئ
حضورراقي كرقة النسيم
بل كشذى الياسمين
اضفتي على متصفحي رونق خاص
دمتي بود وحب وسلامه