مقدر اكرهك لكن مقدر أحبك .

[نيروز]

مقدر اكرهك لكن مقدر أحبك .
بين متناقضات الذات وش جابك ؟


لاخفق لك خفوق ولاتحدر بك .
دمع عيني ولاجرحي تغنا بك


كيف أجل صارت عيوني تخاشر بك .
ليه طارت بعيوني زحمة اسرابك ؟


كيف حبك تسلل دون ما اشعربك .
كيف صرت أفقدك واحن لعتابك


كيف انا محيرك صرت اتحير بك .
الشعور اتجاهك صار متشابك!!


ما اقدرأكتم غلاك ولاأقدر أجهربك .
بيني و بين نفسي ضعت باسبابك


رحت عن شرق حبك جابني غربك .
وضعت في ضحكةٍ من ثلج عنّابك


وين جيتي وانا اللي ما ابي قربك .
حسبي الله على تسبيلة أهدابك


ارتوتني طيوفك قبل أصبّر بك .
ليت ماصار لي في غيبتك صابك


صارلك بالحشا مدهال عامربك .
كل عرقٍ وطته خطاك حيابك


قلت: أبسأل خفوقي وأتعذر بك .
وإلا ّ أنا خابر عروقي تطرا بك


جاك قلبي بسلمه متقي حربك .
كن وسطاك تلعب به وسبابك


أشهد انك وصلتي ودلني دربك .
وأشهد أني دخلت من أوسع أبوابك

[أبو خلدون]

ميم
أشكركم على هذا الموضوع الرائع
و أتمنى لكم مزيداً من المتعة والفائدة
ونحن ننتظر كل جديد ومفيد يجود به قلمكم
المعطاء .
مع أطيب تمنياتي لكم بالتوفيق والسداد .

[نيروز]

سعيده بتواجدك أبو خلدون
تحيه .